بار الهی لطف قیل توفیق طاعت وئر منه #مناجات #علی_شهودی

توفیق عبادت …
.
✍️ زبدة الاشعار ✍️
.
🆔: @nohe_torki
.
علی شهودی
.
بار الهی لطف قیل توفیق طاعت وئر منه
سایۀ لطفونده تشریف اقامت وئر منه
.
نفس سرکش ایستییر ائتسین منی یارب هلاک
نفسی مغلوب ائتمگه بیر قوت و قوّت وئر منه
.
قیل ترحّم اولماییم رحمت آییندان بی نصیب
بو صفالی آیدا توفیق عبادت وئر منه
.
چشمه سار معرفتدن قلبیمی سرشار قیل
معصیت لردن بری ائت صدق نیت وئر منه
.
کعبۀ کوینده یارب ائت منی ثابت قدم
وادی سلم و رضا ده استقامت وئر منه
.
زهر قیل کامیمدا آلسام غیر الیندن شهد ناب
اوز زلال رحمتوندن بیر حلاوت وئر منه
.
باش اگم قیلما روا اغیاره بیر دم دهرده
طبعیمی سرشار قیل یارب مناعت وئر منه
.
سرد قیل نفسین اودون ای ناری گلزار ایلیین
گرم قیل عشق آتشین شور حرارت وئر منه
.
گلدی یارب خسته جانیم تنگه قیل و قال دن
بو هیاهودن اوزاق کنج فراغت وئر منه
.
ای سلیمانلار قاپوندا ایلیین اظهارعجز
بینوایم بی پناهم گنج دولت وئر منه
.
تا نصیب اولسون بو عاصی روحه حسن عاقبت
آل بو برگ موتیمی قبض شهادت وئر منه
.
چولقاییبدیر دورت جهتدن خوی حیوانی منی
آل بو خوی پستی خوی آدمیّت وئر منه
.
بو غبار آلوده گون لردن منی ایله خلاص
تا تاپام یول وادی حقّه بصیرت وئر منه
.
تخت استغناده قوی تاج کرامت باشیما
کنج ملک فقرده گنج قناعت وئر منه
.
.
.
#بار_الهی_لطف_قیل_توفیق_طاعت_وئر_منه
#ترکی
.
✍️ #زبدةالاشعار ✍️
.
🆔: @nohe_torki