میلادیه حضرت مهدی علیه السلام
✍️ زبدة الاشعار ✍️
🆔: @nohe_torki
حاج اصغر فرشچی (عدلی تبریزی)
گلستان ولایتده آچوبدی بیر گل زیبا
جنان عطری ویرور بو گل جهان پیر اولوب برنا
سحروقتی گلوب موجه کرم دریاسی رحمتدن
او موجه غرقدور عالم محبت موجی روح افزا
یتوشدی نیمۀ شعبان تجلی ایلدی بیرگون
اولوب نور جبینیندن منور دیده ی زهرا
قدم قویدی بو دنیایه قویولدی آد اونا مهدی
قدومی چشم دنیانی ایدوب روشن اولوب بینا
نه مولود مثلینی دوغماز بو دنیایه گلن نسوان
آلوب نورون بو زهرادن دوغانماز مادر دنیا
امام عسگری باب و آناسی نرگس خاتون
وجودیندن ییور روزی بوعالم اهلی ما فها
فتحنا پرچمی الده قیام ایلرگلرویرسون
علم اَسسون گوزللنسون بو دوقوگنبد خضرا
گل ای شاه زمن تز گل حجابی چهره دن آچ گل
تجلی ایله گون آی تک سن ای ماه جهان آرا
گل ای کشتی رحمت گل که دریا اولدی طوفانی
سن اولسان کشتی ده آمر چوخالماز جنبش دریا
خوشام اول ساعته دیلده انَالحق کعبه دن گلسون
قدم قویسون گوزوم اوسته واریم دورباشدا بو سودا
ضعیفانه ایدر نصرت اولار گمراه لارا ناجی
ویررظالم لره کیفر منافق لر اولار رسوا
شها (عدلی) گوزی یولدا نقدری منتظر قالسون
بو هجراندان قوتار بسدی گل ای فرمانده ومولا
#مهدیه_میلادیه
#گلستان_ولایتده_آچوبدی_بیر_گل_زییا
#ترکی
✍️ #زبدةالاشعار ✍️
🆔: @nohe_torki
نظر دهید