ورود اهل بیت به کربلا
زبانحال امام حسین (ع) خطاب به خواهرش
.
#زبدةالاشعار
.
: @nohe_torki
.
#سبک_یاران_چه_غریبانه #سبک_آی_گویده_کی_اولدوزلار
#سبک_آتدان_یره_چون_دوشدی (با واگیر مناسب)
.
مرحوم صافی تبریزی
.
بازار محبّتدور بو دشت بلا زینب
جان نقدی متاعیمدور جاناندی بھا زینب
.
.
عشّاقه بو منزلده وار شوق لقای یار
جانین گوتوروب اولموش جویای رضای یار
هر کیم وئره باش ایستر صورتده فنای یار
مطلق اونا حاصلدور معناده بقا زینب
.
.
دیدار رخ جانان، مشکلدی بو گوزلرده
تا باغلاماسا گورمز گوز مردمی قان پرده
هرچند که ظاهردور عشّاقینه هر یرده
مقصود اولوب اوّلده بو کرب و بلا زینب
.
.
بو یرده باجی زینب بیر عهد و قراریم وار
جان الده بو عهدیله ئوزگه سر و کاریم وار
باش وئرماقا مشتاقم زیبنده نگاریم وار
یتمیش ایکی جان وئرّم جانانه فدا زینب
.
.
بیگانه لره یول یوخ بو مجلس اعزازه
اغیار گوره بولمز پرده چکیلوب رازه
اوّل گون ایدن پیمان بو یرده اولور تازه
جان و دّلیله وئرّم اول عهده صفا زینب
.
.
سقّا سو کنارینده لب تشنه گچر جاندان
قوللاری دوشر گلمز سو اولماسا میداندان
یر اوسته قلم قوللار بیر شرح یازار قاندان
گورسونله علمداریم ایلوب نه وفا زینب
.
.
اکبر باشینون شوری لیلانی ائلر مجنون
جانلا گچر اوغلوندان زهرانی ائدر ممنون
بو عرصه ده هر کیمسه باش وئرمز اولار مغبون
سودای محبتده ایلوبدی خطا، زینب
.
.
بو یرده خضاب ایلر قاندان الینه داماد
تازه گلینین ایلر بو واقعه دن ناشاد
شوقیله چکر دلدن داماد آناسی فریاد
اوّلدن اولوب چونکه تسلیم رضا زینب
.
.
گرچه باجی جان اصغر بیر غنچۀ نوگلدور
اوخلالّا الیم اوسته گیت مادرینه بولدور
هرچند رباب اغلار بو سوزدن اونی گولدور
سویله که رضا وئرموش بو امره خدا زینب
.
.
ای باجی رضایم من هر قدر بلا گلسه
اوخ یاغسا اوخ اوستوندن غم گلسه بلا گلسه
مین دفعه باشیم اوسته بیر شمر دغا گلسه
یتسه نه بلا ، من تک اول سنده رضا زینب
.
.
صف صف دوزولوب لشکر قتلیمه چکر خنجر
آخر منی یالقیزلار لب تشنه شهید ایلر
قول باغلی گیدر شامه اولاد علی یکسر
آیریلما سکینَمدن چک جور و جفا زینب
.
.
آغلار قویار آردینجا باجیلری قارداشلار
گوزلردن اولار جاری گلی یوزلره قان یاشلار
ساخلالّا جدا اوسته گون کیمی کَسیک باشلار
اوُل کوفه و شام اهلی ائتمزله حیا زینب
.
.
#بازار_محبتدور_بو_دشت_بلا_زینب
#ترکی
.
#زبدةالاشعار
.
: @nohe_torki
نظر دهید