ورود ماه محرم
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
مرحوم کاتب اردبیلی
.
شیعه طشت جامه باخ کرب و بلانی یاده سال
سو کنارینده دوشن صاحب لوانی یاده سال
.
.
سو یولون باغلادیلار کرب و بلا مهمانینه
عاق اولوب اَدنا رعیّت لر داخی سلطانینه
بیر ایچیم سو ویرمدیلر اصغر عطشانینه
تشنه حلقی اوخلانان اول ناتوانی یاده سال
.
.
طشتی قوی یاندی سوسوزدان عترت آل عبا
ایلدی سوز عطشدن خوردا قیزلار آه وا
دونمدی قانه فراتی ایچدی اولاد زنا
آل پیغمبر چکن جور جفانی یاده سال
.
.
کاش اولیدی کربلاده شیعه لر بو طشت جام
اول زمان قالمیشدی کیم اولاد حیدر تشنه کام
بیر طرفده هلهله ایلردی اول قوم ظلام
بیر طرف یتمیش ایکی پیر و جوانی یاده سال
.
.
سالدی عبّاسون قولین نهر اوسته قوم اشقیا
ویردیلار مشکینه اوخ اول سرورون اهل جفا
خیمه گاهه یوزدوتوب عرض ایتدی اول کان وفا
باشیم اوسته گل اخا من بینوانی یاده سال
.
.
بو نجه آیا روادور آغلیا آل رسول
بیر ایچیم سو ویرمیه اطفاله اول قوم جهول
سندن اوتری شاه دین هر محنتی ایتدی قبول
سنده اول شاهنشه بزم وفانی یاده سال
.
.
ایلیوب بیله وصیت پادشاه غرق خون
شیعَتی ماء شَربتُم مَاءَ عَذبٍ فَذکُرون
بیر ایچم سو ویرمدی باشیم کسنده شمر دون
سو ایچنده من غریب بینوانی یاده سال
.
.
یا حسین ای کربلا دشتینده تشنه جان ویرن
اوچ گیجه گوندوز قالان نعشی یر اوسته بیکفن
روز محشرده که اولماز بیر نفر داده یتن
«کاتبونله» جملۀ اهل عزانی یاده سال
.
.
#شیعه_طشت_جامه_باخ_کرب_و_بلانی_یاده_سال
#ترکی
.
✍️ #زبدةالاشعار ✍️
.
🆔: @nohe_torki
نظر دهید