باشدا ای پیمبر سلاله سی تیغ کینه دن بیر اثردی بو #اکبریه_خاضع

زبانحال امام حسین (ع) در بالین فرزند
.
✍️ #زبدةالاشعار ✍️
.
🆔: @nohe_torki
.
#سبک_ساخلا_ناقه_می_کاروانیدن … 8 سبک
.
مرحوم خاضع
.
باشدا ای پیمبر سلاله سی
تیغ کینه دن بیر اثردی بو
یا آتام علینون باشنداکی
ماجرای شق القمردی بو
گور آخور گوزوم یاشیدور یوزه
یا گوزومده خون جگردی بو
.
.
سن بابام رسول اللهه اوغول
مظهر کمال و جلالیدون
چرخ و بُرج حُسن وجاهته
آفتاب و درّ کمالیدون
خَلق و خُلق و منطقده جدّیمه
اصلی گوسترن بیر جمالیدون
هر گورن دیردی جمالوی
عقل کلّ خیرُ البَشَردی بو
.
.
گرچه لشکر کینه جو سنی
تشنه لب یتوردی شهادته
لیک بو سوسوز ئولماقون على
نایل ائتدی عالی سعادته
ایستی گون سوسوزلوق حرارتی
کیم دُوزَر بو سانسیز جراحته
جسمیدور و یا پایمال اولان
ظلم اَلیلَه گُلبرگ تَردی بو
.
.
ایلدون سن ئوز نفسوی رها
رنج و محنت روزگار دن
اولدی بینوا لیلیه بو گون
بیر نمونه روز شماردن
عالم قیامتدی ناله لر
اوج ایدوب صغار وکباردن
مبتداسیدور حشر اعظمین
یا او مبتدایه خبردی بو
.
.
وار یرى بنات رسالتین
سیل اشگی موج ائتسه مثل یَم
دلده ناله مجنون کیم اگر
سالسا لیلینی چوللره بو غم
ناقه ده او بیچاره نی گوروب
شامده دیسون فرقه ظلم
دشت نجدی مجنوندی ترک ایدوب
یا که هانسی شوریده سردی بو
.
.
گُلسِتان ختم رسالته
اسدیروب قضا صرصر خزان
نه گُلی قالوبدور نه غُنچه سی
باشلیوبدی بُلبُل لری فغان
هر یانا باخور گوزلری گورور
جویبار قاندور اولوب روان
سَرو تک دوشوب قامتون یره
سرنگون اولا کیم دردی بو
.
.
ایلوری حجازی لری فلک
تیر مُحنته آشنا بو گون
ناله و فغانیله سربسر
دولدی وادی نینوا بو گون
آه آتشین دلده ایلرم
بیر شکسته نی تک نوا بو گون
آهیمی گورَن خِرمَنِ دلِ
لَعلینه دیر بیر شَرَردی بو
.
.
مه یوزوندی قان ایچره منخسف
گوندی یا دوتوب قرمزی شفق
پیکروندی قرآن کیمی دوشوب
قانلو قوملار اوسته ورق ورق
جسمدور بیله بند بند اولوب
یا که قرمزی گلدی بیر طبق
یاره لر وئرور خون لعل گون
یا که قطره قطره گهردی بو
.
.
داغلى سینه مه داغ چکدیلر
قان توکن جماعت اگرچه چوخ
عالم محبتده سهلدور
زحمتی فراقونجا دلده یوخ
سنده کی بو خنجر یاراسی تک
قلبیمی یارار زهرلی بیر اوخ
زخم سینه ویله مقایسه
ایلسم او اوخدان بتردی بو
.
.
بیرده سنسیز ای عمریمون گلی
عترتیم محال امردور گوله
پیکرون قوری یرده بنزوری
گلستاندا اوراق اولان گله
دسته دسته سینونده تیر کین
اوخشوری خزان دیده سنبله
بو نه گلسِتاندور گورنلَره
مایۀ ملال و کَدَردی بو
.
.
«خاضعا» سوزونده یوخوندی سوز
لیکن سوزلرونده نه چوخدی سوز
بول سنون دقیقانه نظموه
مجلس عزالرده وار دی گوز
بو فنا جهاندا اگر سنه
هر مصیبت و رنج یتسه دُوز
جهد قیل که عقباده شاه دین
لطفیله دیسون نوکریمدی بو
.
.
.
#اکبریه_شهادت
#باشدا_ای_پیمبر_سلاله_سی
#ترکی
.
✍️ #زبدةالاشعار ✍️
.
🆔: @nohe_torki