زبدةالاشعار

ساقیا باده گتور عشق ائوى آباد اولدى #سجادیه_سیدبشیرحسینی

سجّاده چیچک لری
.
✍️ #زبدةالاشعار ✍️
.
🆔: @nohe_torki
.
سید بشیر حسینی میانجی
.
ساقیا باده گتور عشق ائوى آباد اولدى
شادلیق ایامى گلوب غم ائوى برباد اولدى
.
سرخوش و مست ائله عشّاقى شغف جامیلن
گنه دیلّرده سرور و شعف ایجاد اولدى
.
آشنا چیخدى بیزه وجد و سرور و شادى
غم و درد و الم و غصّه بیزه یاد اولدى
.
بلبلا شور حجازى اوخى شوقیله بو آى
اوچ گولون عطرى گلور موسم اعیاد اولدى
.
گولّى کوینک گینوب دشت ودمن، باغ و چمن
غمزده قوشلاراوچوب غصّه دن آزاد اولدى
.
شهرشعبانین اوچى،دوردى، بئشى خوش گوندى
دالبادال اوچ گونى اوچ سروره میلاد اولدى
.
اوچومنجى آقامیز گلدى اوچونده بو آیین
او گوزلّر گوزلى مفخر اجداد اولدى
.
گونون آریدیجا بنى هاشم آیى سیره چخوب
حضرت امّ بنین صاحب اولاد اولدى
.
شهربانو که بیز ایرانّیلارین مفخریدى
او غفیفه آنادان حضرت سجّاد اولدى
.
شاه ایران قیزى، بطحا شهینه اولدى گلین
ائله شهزاده خانمدان بئله شهزاد اولدى
.
زینب آغوشه آلوب قارداشینون دلبندین
دئدى عمّون سنه قربان اورگیم شاد اولدى
.
باخدى مولوده حسین گولدى ولى “ثُمَّ بَکى”
دئدى بیلدیم آناسى عازم میعاد اولدى
.
اوغلونون آدین على قویدى،على اوغلى حسین
ائشیدنلر دئدى به به نه گوزل آد اولدى
.
وقت اولوب ایلیه تزویج، آلوب فاطمه‏نى
اوز عموسى حسنه حُسنونله داماد اولدى
.
گر صفاتین سایابیلسون بیله جکسن آیدین
گوزل اجدادى کیمى مجمع اضداد اولدى
.
چوخلى سجده ائله دى سجده ائدنلر آقاسى
لقبى حشره کیمین زینت عبّاد اولدى
.
هره بیر مجلسه یا بیر زادا معتاد اولار
شکرللَّه که «بشیر» هیئته معتاد اولدى
.
.
#سجادیه_میلادیه
#ساقیا_باده_گتور_عشق_ائوى_آباد_اولدى
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  غمیمده ایلمه افغان عم اوغلی یا علی صبر ائت #فاطمیه_رضوی_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی