باشدا عشق کبریا چیخدی پیمبر مکه دن #مبعث_رمضانی_خاکی

مبعث پیامبر اعظم (ص)
..
..
..
..
رمضانی (خاکی)
..
..
..
..
باشدا عشق کبریا چیخدی پیمبر مکه دن
دلده تسیبح خدا چیخدی پیمبر مکه دن
عابد غار حرا چیخدی پیمبر مکه دن
گئتمدی غار حراده ختم مرسل قالماقا
گئتدی بلکه حقیدن حکم رسالت آلماقا
..
..
..
..
قیرخا عزّتله یتیشمیشدی یاشی اول حضرتین
ایستدی الله جهالتدن قوتارسین امّتین
آشکار ائتدی بوگون دنیایه مسئولیّتین
گوردی لایقدی ، خدا چاتدیردی اوج عزته
مصطفانی ایلدی رهبر تمام عالمه
..
..
..
..
اولدی مشغول عبادت غاریده قیرخیمجی گون
رشته وصله دوباره ویردی بیر محکم دوگون
گورمه میشدی اول نچه گونده بوگونده گوردوگون
گوردی سس گلدی محمد باخ اوخی بو آیه نی
ایله اللّهین آدیلا محکم اول پایه نی
..
..
..
..
دوشدی اول دم حیرته اول فخر اولاد خلیل
گزدی تاپسین اول سسه غارحراده تا دلیل
آلاهین اذنیله نطقه گلدی بیرده جبرئیل
یا محمد سن دیدی چاتدون بوگون پاداشوه
حقدن امر اولدی قویام تاج رسالت باشوه
..
..
..
..
دور ایاقه ، دورماسون ایلله تا یوم نشور
قیزلارین جاهل عربلر روزو شب زنده بگور
اگلشوب غارحراده غم یمه تبلیغه دور
غم یمه همواره یاوردی سنه لطف خدا
بیرکسونده اولماسا واردی عم اوغلون مرتضی
..
..
..
..
کشور دینون اولوبسان شهریار عادلی
اختیارونده خدا قویموشدی طوفانی ،یلی
حقه گیزلین دعوت ایلوردون سن اهل باطلی
اولدی مأموریتون خلقه بوگوندن آشکار
بیر سنی بو امره شایسته گوروب پروردگار
..
..
..
..
جبرئیل آیریلدی تاکه احمد مختاریدن
حکم تبلیغی الینده چیخدی احمد غاریدن
منزله ساری گدنده کوچه و بازاریدن
تهنیت صوتی گلوردی حضرته هرسمتیدن
اولمادی پیغمبره باطنده تعظیم ائتمین
..
..
..
..
گرچه ظاهرده گلوردی بی سپاه و بی کمک
بلکه باطنده واریدی صف به صف فوج ملک
حضرته باشین ایوردی دمبدم چرخ فلک
نازل اولموشدی یره تعظیمه اهل آسمان
خاک پاییندن ئوپوردی فخریلن افلاکیان
..
..
..
..
واقفیدی چون خدیجه حضرتین اجلالینه
چیخدی ائودن سرعتیله قاچدی استقبالینه
چشم غبطیله دمادم باخدی اوز اقبالینه
قویدوم عزته دئدی حیران من ایندی هاجری
فخر مخلوقاتین اولدوم بوجهاندا همسری
..
..
..
..
خاکی قورتار مطلبه بوندان علاوه وئرمه طول
کل عالم قطره دی دریادی چون ختم رسول
حق مدح مصطفی اولماز بودنیاده حصول
کیم آچور تعریفینه دل عاقبت حیران قالور
هیچ بشرده یوخدی قدرت بیر اونی الله تانور
..
..
..
..
#مبعث #رمضانی_خاکی #پیامبراسلام #ترکی #زبدةالاشعار