زبانحال حضرت مسلم(ع)
.
✍️ #زبدةالاشعار ✍️
.
🆔: @nohe_torki
.
#سبک_ای_کربلانون_تشنه_لب_قربانی_قاسم
#سبک_مستان_همه_افتاده_و_ساقی_نمانده
.
رامین محمدزاده(پریشان)
.
.
سندن سفیرون ناگراندی گلمه گلمه
سن بیل ننون زهرا اماندی گلمه گلمه
مسلم عم اوغلون جان وئرور
جانین سنه قربان وئرور
گلمه عم اوغلی۲
.
.
زور و زریله نوجوان و پیر آلوللار
دسته به دسته نیزه و شمشیر آلوللار
امضا وورانلار جعبه جعبه تیر آلوللار
اصناف کوفه اوخ ساتاندی گلمه گلمه
.
.
گلمه بولار اللهی دیناره ساتوبلار
الله کلامین کِذبی گفتاره ساتوبلار
حلاجی داره، دینی کفاره ساتوبلار
دین ساخلاماق بوردا گراندی گلمه گلمه
.
.
زهرا ائوین نامه یازانلار یخدی گلمه
پیمان شکن لر قلبیمی چوخ سیخدی گلمه
امضا ائدنلرده یالانچی چیخدی گلمه
باشدان باشا کوفه یالاندی گلمه گلمه
.
.
گلمه بولار ئوز کینه سین تئز بولدورللر
باشون کسوب اول باشه خلقی گولدوروللر
باشسیز گوروب اهل و عیالین ئولدوروللر
ظلمون بساطی چون عیاندی گلمه گلمه
.
.
گلمه جلال و عزتون قویما تالانسین
اوچ شعبه پیکانیله سینون پارچالانسین
اکبر جمالی حیفیدور قانه بویانسین
بی شک آناسی باغریقاندی گلمه گلمه
.
.
پیغمبری جناتیده گریان ائده للر
آل علینون خانه سین ویران ائده للر
قارداشووی ئوز قانینه غلطان ائده للر
فطرت لری بیرپارچا قاندی گلمه گلمه
.
.
ایرانه عزم ایله سنی خوش یوخلاسونلار
گلمه عراقه قویما دردون چوخلاسونلار
نقشه چکوبلر اصغری تا اوخلاسونلار
کوفه سراسر اوخ آتاندی گلمه گلمه
.
.
چولدن چوله دوشمه عیالون باشسیز ائتمه
گلمه عم اوغلی زینبی قارداشسیز ائتمه
گل بو «پریشانین» گوزون گوزیاشسیز ائتمه
دائم سنه نوحه یازاندی گلمه گلمه
..
.
#سندن_سفیرون_ناگراندی_گلمه_گلمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید