زبانحال امام حسین (ع) در بالین برادر
.
✍️ #زبدةالاشعار ✍️
.
🆔: @nohe_torki
.
مرحوم نجمی تبریزی
.
سو اوسته قانون آخوب یرده سو به سو قارداش
گوزوم یاشی کیمی قانه دونیدی سو قارداش
.
فرات اوتانموری قانون آخوب گینه آخوری
سولاردا قویمادی دنیاده آبرو قارداش
.
گل جمالوا قان شبنمی ویروبدی صفا
هانی سنون کیمی بیر گلده رنگ و بو قارداش؟
.
ورق ورق داغیلان پیکرون حکایت ایدر
سو اوسته ایلمیسن سعی مو به مو قارداش
.
بلاد عشق و محبّتده بیر مجاهد عشق
سنون کیمی دولانوب هاردا کو به کو قارداش
.
باشونداکی بو یارا خشک بند اولا هیهات
سو ساخلاماز سینا گر کاسه و صبو قارداش
.
الون اولیدی گر ال سنه تاپاردی مگر
بو قانلی معرکده قوم کینه جو قارداش
.
ایکی کسیک الیله بیر تیمّم ایلمیسن
او بیر تیمّمه غبطه ایدر وضو قارداش
.
ستاره تک بدنونده یارا شماره سی یوخ
ووروب نقدری یارا جسموه عدو قارداش؟
.
قلج یاراسینا نوک خدنگ اصابت ایدوب
سپور کنارینه قان زخم تو به تو قارداش
.
گوزون فداسی گوزون آچ نه خواب نازیدی بو؟
تراب تیره نی فرض ایتمه پر قو قارداش
.
سو صحبتی دله بیرده گتورمز اطفالیم
کسیلدی خیمه لر ایچره بو گفتگو قارداش
.
اولاردی سرو سرافکنده شرمگین شمشاد
چمنده سنله اولان دمده روبرو قارداش
.
دانشمیسان نیه ای مرتضی عزیزی مگر
دولوبدی قانیله توپراقیله گلو قارداش؟
.
چوخ آرزو ایدرم بیرده سسون ایشیدم
دانیش که قالمیه دلده بو آرزو قارداش
.
سنیله الفت دیرینه وار نجه دایانوم
یارالی جان ویروسن تشنه نیکخو قارداش
.
گل وصالی ایله نوک خار هجرانون
یاروب اولا او یاره چوخ چتین رفو قارداش
.
گلنده دوشدی یولوم قولّارون دوشن یولدان
سرشگیم ایلدی رخساری شستشو قارداش
.
خیام طاهرده شور حشر اولوب پیدا
عیالیمه دور ایداخ چاره جستجو قارداش
.
داخی قرانلوق اولار آل هاشمین چرخی
دوتولدون آی کیمی قانیله ماهرو قارداش
.
دوشنده آتدان اولون اولمادی اولا حایل
که اوخلار اولمیه گل جسموه فرو قارداش
.
سکینه فاطمه نازلی رقیه مخیمده
تکوبله گوز یولا دلده عمو عمو قارداش
.
سو جامی الده نوا دلده گوزلری یولدا
آخار سرشگلری یوزده مثل سو قارداش
.
نجه بو محنت عظماده آغلاماز «نجمی»
که خون فرقون آخوب یرده سو به سو قارداش
.
.
#عباسیه_نجمی_تبریزی
#عباسیه_شهادت
#سو_اوسته_قانون_آخوب_یرده_سو_به_سو_قارداش
#ترکی
.
✍️ #زبدةالاشعار ✍️
.
🆔: @nohe_torki
نظر دهید