زبدةالاشعار

باشوندور یا اخا معراج ایدوب عرش خدا اوسته #کوفه_طوری_تبریزی

زبانحال حضرت زینب (س) در کوفه خطاب به سر مقدس برادر
.
✍️ #زبدةالاشعار ✍️
.
🆔: @nohe_torki
.
مرحوم طوری تبریزی
.
باشوندور یا اخا معراج ایدوب عرش خدا اوسته
و یا بو گون قیامتدور دوروب گون بیر جِدا اوسته
.
.
دونوب اوضاع عالم آسمان آغلار زمین آغلار
جمال اللهی خاک اوسته گوروب عرش برین آغلار
تقرّب تاجنی باشدان آتوب روح الامین آغلار
سَپَر روح القدس کول باشه سدر المُنتَهی اوسته
.
.
وجودون یا اخا چون مظهر نور فَدَینادور
بوغازون آیۀ ذبح عظیمه عمده معنادور
ذبیح الله سن سن کربلا صحراسی مینادور
وئروبسن باش ره حقده قالوب جسمون منا اوسته
.
.
یتنده حقّدن مَن یَشتَری فورأً صدا وئردون
قبول ائتدون بلانی هر قضایه سن رضا وئردون
گتوردون بو منای عشقده یتمیش فدا وئردون
ئوزونده باش وئروب ، وئردون باشا عهدون وفا اوسته
.
.
دوشوب بو فکره سعد اوغلى یتورسون ظلمون اتمامه
یارالی باشوی نیزه باشندا یوللاسون شامه
یزید بی حیا ائتسون اهانت دین اسلامه
الینده خیزران ، قویسون باشون طشت طلا اوسته
.
.
گورنده قانلو باشون نیزه ده قانیم گلور جوشه
نِدیم یتمور الیم بیرده باسیدیم جان تک آغوشه
بو باشسیز جسمیوه قربان اولوم من بیرجه گل هوشه
نجه گور ایلیوب دشمن ، هجوم آل عبا اوسته
.
.
بیله نازیله یاتما خیمه لر اودلاندی قارداش دور
تماماً اهل بیتون قولقولا باغلاندی قارداش دور
یوبانما کاروان غم یولا یوللاندى قارداش دور
یولا سال زینبی شامه ، ئوزون قال کربلا اوسته
.
.
معیّن دور منیم بو حالیمی بیگانه لر بولمز
نقدر عمر ایلسم سندن صورا بیرده یوزوم گولمز
ئوزومده قالموشام حیرتده بو زینب ندن ئولمز
که گوردی شمر چخدی بوسه گاه مصطفا اوسته
.
.
#کوفه_طوری_تبریزی
#باشوندور_یا_اخا_معراج_ایدوب_عرش_خدا_اوسته
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  امر ایلدی خلیلینه خلاق ماسوا #اکبریه_انور_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی