حالات حضرت موسی ابن جعفر(ع)
زبانحال حضرت امام رضا(ع)
.
#زبدةالاشعار
.
: @nohe_torki
.
مرحوم صحاف تبریزی
.
باشون اوسته گلدیم مدینه دن
یانه یانه زندانه ای بابا
رنجه قیل قدم جان وئرنده من
سنده گل خراسانه ای بابا
.
.
گلمیشم دل شبده ایستدیم
گلماقیمی معصومه بُولمَسون
ظلم الیله مسموم اولونماقون
دردینی او مظلومه بُولمَسون
چوخلی همّ و غمی گوگلده وار
بو غمی او مغمومه بُولمَسون
بولسه قورخورام غصه مرگ اولا
باغری تیز دونه قانه ای بابا
.
.
اون بیر ایلدی آیریلمیسان بابا
خانواده ی دلفگاردن
بو مدید مدّتده نه دیوم
چکمشوخ نه لر روزگاردن
صبح وشامی گوز تیکمیشوخ یولا
جانه گلمشوخ انتطاردن
درد انتظاریله هیچ کیمی
گلمسون گوروم جانه ای بابا
.
.
سن آتا بالالق رُسومنی
بیر دقیقه یاددان چخاتمادون
گلدون اهل بیتون وداعنه
قیزلارون ولیکن اویاتمادون
یوزلرینی أؤپدون سیزیلدادون
آه و ناله عرشه اوجاتمادون
اولمادون رضا نصف شب گله
اهل بیتون افغانه ای بابا
.
.
وصلوه یتنلر بوباره دن
آتش فراقوندا یاندیلار
آغلادی بیوکلر حزین حزین
خورداجا اوشاقلار اویاندیلار
اودلانان اورکلر نجه دوزر
بیله درد هجرانه ای بابا
.
.
گلمیشم باشون اوسته ایندی من
سوز آهله سینه داغلیام
دوندروم یوزون قبلیه طرف
گوزلریوی حسرتله باغلیام
یوخ سنه بو زنداندا آغلیان
من اوزوم دویونجا بیر آغلیام
سوزیله بو تاریک محبسی
ائیلیم عزاخانه ای بابا
.
.
وار یری سالا گرجهانه اود
داغلى دلده آهیم شراره سی
آغلادور ئولنجه بابا منی
بوینوین بو زنجیر یاره سی
چاره سیز قالان اهل بیتون
یوخدی ناله دن اوزگه چاره سی
صبح و شامی گوزیاشلاری آخار
حسرتیله دامانه ای بابا
.
.
یاد ایدوب سنون درد غربتون
آغلاسام سزادی ئولنجه من
لیک وار یری آغلیاخ بو گون
سنده منده ای شاه ممتحن
جدّیمز حسینه که اولمیوب
بیر نفر اونون تک غریب ئولن
ایستی قوملار أوسته بدن یارا
جان ویره غریبانه ای بابا
.
.
جان ویرن زمان دوره سین آلوب
قتلگهده قوم ستم شعار
اللرینده داش نیزه اوخ قلج
یاره اوستونه یاره ووردیلار
جبرئیل لای لای دیَن بدن
قالدى توپراق اوستونده خوارزار
اوخشادی او صد پاره پیکری
آیه آیه قرآنه ای بابا
.
.
ایلیوبدی صحاف چوخ خطا
وار خطاسینه بس ندامتی
ماسوانی گوزدن آتوب دلى
واردی بیزده چشم شفاعتی
خدمتینده وار آل حیدره
صدقیله اونون استقامتی
ایسته قبریوه منده ایسترم
ایل به ایل خراسانه ای بابا
.
.
#کاظمیه_صحاف_تبریزی
#کاظمیه_شهادت
#باشون_اوسته_گلدیم_مدینه_دن_یانه_یانه_زندانه_ای_بابا
#ترکی
.
#زبدةالاشعار
.
: @nohe_torki
نظر دهید