زبدةالاشعار

صحن گلزارینده بیر گول بیله حِرمان گورمیوب #مسلمیه_مصیبی_تبریزی

زبانحال حضرت مسلم ابن عقیل (ع)
.
✍️ زبدة الاشعار ✍️

?: @nohe_torki
.
محمد علی مصیبی تبریزی
.
صحن گلزارینده بیر گول بیله حِرمان گورمیوب
کوفیان بیر ایش گوروللرهئچ مسلمان گورمیوب

.
ای یوزی مرآت جانان مظهر الانوار عشق
کوفیه گلسن حسین الدن چیخار افسار عشق
گرمیدور ابن زیاد آدیله چون بازار عشق
کوفیان گویا اونی مشمول عصیان گورمیوب

.
کوفه ده بیرشعله وار اود چکسه خشک و تریانار
یول بورا سالسان حسین جان گوللرون یکسریانار
بو عداوت شعله سینده صود امر اصغر یانار
بیله بیر بُغض وعداوت کون وامکان گورمیوب

متن پیشنهادی:  هر سمتیدن قولاقه حسینی نوا گلور #ورود_محرم_تائب_تبریزی

.
بوردا فکر ائتمه فسوق و فتنه بیداد ایله مز
گلمه بو شهره سنه بیر کیمسه امداد ایله مز
یرمی مین نامه یازان بیرآن سنی یاد ایله مز
بیر بئله هرزه جماعت چشم ِ دوران گورمیوب

.
چوخ دیئردیم یاحسین بوشهره دوشسون گردیشیم
عمریمین آخر زمانی کوفیه دوشدی ایشیم
ایچمه میش سو وُردیلارقلبیم یانوب سیندی دیشیم
سویله مه سو جامینی مسلم دولی قان گورمیوب

.
دورد طرفدن آلدیلار اطرافیمی قوم زبون
آتدیلار خنجر بو فکریلن اولام من سرنگون
عارض اولدی قلبیمه عشقونده بیر حال جنون
باشلادیم بیر جنگ برق آسا کی کیهان گورمیوب

متن پیشنهادی:  گورمیوب چشم جهان سن تک وفاده یاحسین #حسینیه_عدلی_تبریزی

.
ضیغم عشقم ، مواجه دسته دسته روبهه
وئرمیشم دل مدِّ باءِ آیۀ بسم اللهه
سائلم پیک ِ امین سائل اولان بیر درگهه
ایستورم اثبات ائدم کیم بیله عنوان گورمیوب

.
زهریلن سیراب اولوب گر کوفیانین خنجری
قویمارام خونابه دوشسون کشتی دین لنگری
آز قالورباش سیزقالا مولا ، عم اوغلون پیکری
بوجماعت مسلمی،باشسیز غزل خوان گورمیوب

.
من عَقیلین اوغلیام سرحدّ عشقی آلمیشام
بیرسنون بیرزینبین عشقینده حیران قالمیشام
جانیمی بو یولدا مین درد و بلایه سالمیشام
عهده پابندم دو عالم بیله پیمان گورمیوب

.
آز قالور باشیم دوشه قصّابیلر میدانینه
پیکریم اویناقلیه تیغ بلا جولانینه
مسلمین قانی قاریشسون مرتضانین قانینه
سویله سین شاهیم منیم عهدیمده نقصان گورمیوب

متن پیشنهادی:  هفتمین حجت خلاق توانا و علیم #کاظمیه_رمضانی_ذوالفنون

.
یا حسین ختمِ مقالی اقربالردن سوروش
من کی ئولدوم؛باشیمین شرحین صبالردن سوروش
شمع تک یانماقیمی نوک جدالردن سوروش
بیله سوزش،بیله شمعی هئچ شبستان گورمیوب

.
بیر« مصیّب » آدلی وار اوج ملالتده یاشور
کربلانین فرقتینده روز و شب قان آغلاشور
قبریوین گوندر براتین کاسۀ صبری داشور
آلتی گوشه قبریوی بیر یول یاخیندان گورمیوب

.

#سبک_زینبم_جان_اوستیم (4سبک)

.
#مسلمیه
#مصیبی_تبریزی
#صحن_گلزارینده_بیر_گول_بیله_حرمان_گورمیوب
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی