شهادت حضرت امام موسی ابن جعفر (ع)
.
✍️ #زبدةالاشعار ✍️
.
🆔: @nohe_torki
.
حاج علی اصغر فریدی
.
دوشن سجنده بیحد بلایه آقام ایوای
او زنداندا دوزن هر جفایه آقام ایوای
.
.
سنی سالدولار ایله او زنداندا فشاره
گونوز دوندی گوزینده او یرده شب تاره
باشین سجده ده اشکین آخاردی گلعذاره
چخان ناله سی عرش خدایه آقام ایوای
.
.
جفائیله ورولدی سنون بوینوا زنجیر
ایاقیندا کی کنده ویروب حالوه تغییر
سنون درد و ملالین ایدوب عالمه تأثیر
دوزوب صبر ایدن امر قضایه آقام ایوای
.
.
یتن گلشن عمری جفائیله خزانه
دونن بارِ اَلَمدن گوزل قدّی کمانه
سالان شعلۀ آهی شرر کون و مکانه
دونن گوزده سرشکی دمایه آقام ایوای
.
.
او زندانده حالین نه بیر کس بولن اولدی
سنی گورماقا اوردا نه شاها گلن اولدی
نه سن تک بو جهاندا غمیله ئولن اولدی
دیوب دردووی گلم نوایه آقام ای وای
.
.
نجه اولدی معذّب دل ایستر ایده طاقت
نه ذکر ایتماقا واردور اونی منده جسارت
زیارت فقراتی ایدر یاخشی حکایت
سالان شیون او صحن سرایه آقام ایوای
.
.
ئولن وقته نه بیرکس سنه آغلیان اولدی
نه هرکس باشین اوسته سینه داغلیان اولدی
نه آخر نفسینده گوزون باغلیان اولدی
قالان حسرت اوز اوغلی رضایه آقام ایوای
.
.
چکن چوخ غم و محنت بو دنیای فناده
اولان ظلمیله مسموم او زندان بلاده
سالان جدّی حسینی او زنداده یاده
یانان دلدن او جورجفایه آقام ایوای
.
.
بیان ایلماق اولماز او زندان جریانین
گلور ایندیده گوشه حزین داد و فغانین
آخاردی توپوقیندان یره سو کیمی قانین
تحمل ایدن هر بیر جفایه آقام ایوای
.
.
گینه صبریمى الدن بو مطلب منیم آلدى
شه کرب بلانین غمین یادیمه سالدى
قوری یرده کفن سیز او گل پیکری قالدى
ووران قاتلی باشین جدایه آقام ایوای
.
.
عیالی قولی باغلى بونون چوللره دوشدی
سوسوز باشی کسیلدی آدی دلره دوشدی
گورون باجیسی زینب نه مشکل لره دوشدی
گیدن جاه و جلالی فنایه آقام ایوای
.
.
فریدی چوخ اثر وار بو نوحه نده حقیقت
اگر کرب و بلا بیر اولا بیزلره قسمت
او شش گوشه مزاری ایدن وقتده زیارت
دیاخ اوردا او میر هدایه آقام ایوای
.
.
#کاظمیه_فریدی
#کاظمیه_شهادت
#دوشن_سجنده_بیحد_بلایه_آقام_ایوای
#ترکی
.
✍️ #زبدةالاشعار ✍️
.
🆔: @nohe_torki
نظر دهید