زبدةالاشعار

باشیمه دوشدی گینه شوق هوای کربلا #کربلا_شانی_تبریزی

آرزوی کربلا
.
.
مرحوم شانی تبریزی
.
.
باشیمه دوشدی گینه شوق هوای کربلا
آتشین دلدن گلور نی تک نوای کربلا
.
.
کربلا شوقی اگرچه واریدی دلده کرار
آتش حسرت سالوردی قلبیمه دائم شرار
اولمامیشدیم هیچ زمان امّا بو قدری بیقرار
آلمامیشدی صبریمی الدن هوای کربلا
.
.
دسته دسته هی دوشور هر گونده زوّاری یولا
نار حسرت شعله سی آرتارگوگلده برملا
سسلرم آهسته دلدن کربلا یا کربلا
کشتی صبریم سینوب ای ناخدای کربلا
.
.
کربلا آدی گلن وقته گیدر دلدن توان
چشمۀ چشمیم اولور خطّ عذاریمدن روان
جلوه ایلر گنبد و صحن ابوالفضل جوان
نصب ایدوب اوردا لوا صاحب لوای کربلا
.
.
ای اولان هر دردمندین دردینه آدی دوا
تربت قبر شریفی عالمه خاک شِفا
بو مرضدن جانه گلدیم قبریوه جانیم فدا
دردمندم آختارور دردیم دوای کربلا
.
.
آرزوی کربلا الدن آلوب آرامیمی
امر ایله عباسیوه لطفیله ویرسون کامیمی
دفتر زوّار دربارونده یازسون نامیمی
نه گوزل یردور او یر ای من فدای کربلا
.
.
بیر نولور بو جمعیله پائین پایوندا دوراخ
نوجوان اوغلون علیّ اکبره ماتم قوراخ
سس چکاخ ایوای حسین وای سسلیاخ سینه ووراخ
عالی بیر لذّت ویرور روحه عزای کربلا
.
.
یاد ایداخ شاها او وقتی قلب بی آرامیله
یوز یوزه قویدون اوز اوغلون اکبر ناکامیله
ایله زیبا قامتیله ایله خوش اندامیله
تاپدی زینت روز عاشورا منای کربلا
.
.
بیرده گورسیدیم او شمع وصلیوه پروانیم
قبرون اطرافین دولانّام عاشق دیوانیم
دوزدی من اصل حقیقتدن اوزوم بیگانیم
لیک لطفون اولسا اولّام آشنای کربلا
.
.
بارالها قسمت ایله آرزومندانیله
قول سالاخ قبر حسینه دیدۀ گریانیله
باشلیاخ بیر شعر و نوحه ناله و افغانیله
باشلاسون شوریله «شانی» ماجرای کربلا
.
.
.
#کربلا
#آرزوی_کربلا
#باشیمه_دوشدی_گینه_شوق_هوای_کربلا
#شانی_تبریزی
#ترکی
#زبدةالاشعار

متن پیشنهادی:  آچدی گوزون عالمه بند دل فاطمه #مهدیه_مهدی_عابدینی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی