زبانحال حضرت زینب (س) در بالین حضرت فاطمه زهرا (س)
.
✍️ #زبدةالاشعار ✍️
.
🆔: @nohe_torki
.
احمد پوریا
.
هارا گیدورسن آی ننه
اویان وفالی زینبم
هجریوه یوخدی طاقتیم
باشی بلالی زینبم
.
آنا زهرا بش یاشوندا آغلار قیزام من
نه تز گوزدن زینبون آتدون یالقیزام من
گجه یاری ترک لانه ائتمه کبوتر
بابام تکدیر سویلیور که آدامسیزام من
.
یارالی آی ننه وفالی آی ننه(2)
.
.
.
.
حسن دیور جوان ننه
یارالی مهربان ننه
او صحنه نی گورند من
اورگیم اولدی قان ننه
.
اوزوم گوردوم حقیوی دشمندن آلاندا
ننه گوردوم ثانی یول اوستونده دوراندا
آجو قلاندی وردی بیر سیلی ساق گوزوندن
اوزوم گوردوم پاره گوشواره آختاراندا
.
یارالی آی ننه وفالی آی ننه(2)
.
.
.
.
قلبیمی سنسیز آی ننه
قان ایلیوب من آغلارام
چادر نمازیوه باخوب
جان تک اونی قوجاقلارام
.
آنا سنسیز درد یمی نجه فاش ایدوم من
مدینه اهلینده یوخ وفا بس نیدوم من
سینم گلدی تنگه بو غمدن آی یارالی
دعا ایله شهر پیغمبر دن گیدوم من
.
یارالی آی ننه وفالی آی ننه(2)
.
.
.
.
حسین دیزین قوجاقلیوب
قراریمی الدن آلور
باخور سنون بوش یریوه
اورگیمه شرر سالور
.
سنون هجروندن قالوب آواره حسینیم
قویور یکسر باشینی دیواره حسینیم
توکور گوزدن اشگینی مادر گُل عذاره
فغان ایلیور یوخ الینده چاره حسینیم
.
یارالی آی ننه وفالی آی ننه(2)
.
.
.
.
حیاتیدن دویان ننه
بابامی تک قویان ننه
باعث مرگی میخ در
محسنی سقط اولان ننه
.
نه تز دویدون سن بالالاریندان وفالی
نجه گئتدون سن شه خیبردن آرالی
آنا زهرا قلبیمی سنسیز داغلارام من
اولونجه یانام که گئتدون سینه یارالی
.
یارالی آی ننه وفالی آی ننه(2)
.
.
.
.
آغلادی (پورِیا )ننه
یازاندا نوحه نی سنه
دیور که سن ایله عطا
خلوص نیَّتی منه
.
دیور زهرا باشیمه قاره باغلارام من
فغان ایلیوب ماتمینده دل داغلارام من
سنی مولا بیر نظر قیل بو دل فکاره
حسینون قبروینده وار گوزوم آغلارام من
.
یارالی آی ننه وفالی آی ننه(2)
.
.
.
#سبک_تا_مشکتو_تو_آب_زدی
#سبک_حسین_دوشوبدی_مقتله
.
.
#فاطمیه_شهادت
#هارا_گیدورسن_آی_ننه
#احمد_پوریا
#ترکی
.
✍️ #زبدةالاشعار ✍️
.
🆔: @nohe_torki
نظر دهید