باش آچون خانملار خرابه ده آغلیون پریشان رُقیَّمه #حضرت_رقیه_انور_اردبیلی

زبانحال حضرت زینب کبری (س)
در شهادت حضرت رقیه (س)
.
.
.
مرحوم انور اردبیلی
.
باش آچون خانملار خرابه ده
آغلیون پریشان رُقیَّمه
آج یاتوب گجه گوندوز آغلیوب
غصّه دن وئرن جان رُقیَّمه
.
.
چکدیگی غم و محنتی ز بس
بو یارالی قلبیمده سان وئرور
سرگذشتنی فکر ایدن زمان
نقشۀ مصیبت نشان وئرور
هانسی شاهزاده بو قز کیمی
بیر پارا حصیر اوسته جان وئرور
اکبره خبر ایلیون کفن
حاضر ایتسون الآن رُقیَّمه
.
.
اود دوتوب یانور قلبیمون باشی
قلبنون اودون سوندورنمدوم
یاتمادی کچن نصف شب بالام
ناله ایلدی دیندیرنمدوم
دردینی دیدی سویلدى آجام
ایستدی غذا من وئرنمدوم
زنده ام نقدری گجه گوندوز
آزدور ائتسم افغان رُقیَّمه
.
.
.
برج عصمت و معرفتده بو
خوردا قز ایشقلی ستاره دور
قارداشیم حسینه عزیزه دور
آل هاشمه ماه پاره دور
قمچی چوخ دگوب باشینه ولی
ایپ کسوب قولون ایندی یاره دور
شمر بی حیا گوندوزی قرا
ایلیوبدی هر آن رُقیَّمه
.
.
یاندرور یانان قلبیمی بونون
شامده حقارتلن ئولمگی
هر باخان بولر قاره بختدور
چون ثبوت ایدر قاره کوینگی
باش قویوب پارا کرپیچ اوستونه
بالش محال اولدی گورمگی
رختخواب دیباده جان وئره
اولمیوبدی امکان رُقیَّمه
.
.
.
بسکه طفل شیرین زبانیدی
روحیمی ملاله سالوب بالام
هیجرینه دوام ایلینمورم
طاقتیمى الدن آلوب بالام
تاب ائدوم نجه جان وئروب گجه
شامده کفنسیز قالوب بالام
نسگلی داخی کچدی حدّیدن
آغلیام گرک قان رُقیَّمه
.
.
دیدۀ زمانه گوروب هاچان
بو رقیّه تک بیر نفر ئولن
روزگاره باخ شاهزاده دور
دفن و کفنینه یوخ گلوب گیدن
قویمارام کفن سیز جنازه سین
قاره معجریم ایلرم کفن
قارداشی امام زمان اوخور
باشی اوسته قرآن رُقیَّمه
.
.
.
.
.
#حضرت_رقیه_انور_اردبیلی
#حضرت_رقیه_شهادت
#باش_آچون_خانملار_خرابه_ده_آغلیون_پریشان_رقیمه
#ترکی
.
.