زبانحال حضرت زینب سلام الله علیها در حال احتضار
.
✍️ زبدة الاشعار ✍️
.
🆔: @nohe_torki
.
رضا ماه پری زنجانی
.
ای اجل مهلت ویر اندوه و بلا آماجیام
گوزلری یولدا قالان محنت کشیده باجیام
.
چکدگیم محنت اولوب باعث آخان گوز یاشیمه
منتظردور گوزلریم باخسین حسین قارداشیمه
.
جور اعدای زمانان گر چه من دل خسته یم
جان ویرن ساعتدده قارداشیمه وابسته یم
.
حسرتیم واردور حسین جان اوسته گلسین یانیمه
گوزلریم گورسون جمالین جان ویریم جانانیمه
.
هرباجی واضحدی جان اوسته گوزتلر قارداشین
گلمسه قارداشلاری خساره باغلار گوز یاشین
.
دوندریب یوز کربلایه قلبینی غم داغلادی
زینبین احوالینه داغ سهلدی داش آغلادی
.
سینسی اوستونده باسدی قانلی بیر پیراهنی
عرض ادیبدی گل حسین غربتده یاده سال منی
.
غم شریکون زینبم درد و ملاله باتمیشام
دوشموشم ائلدن آرالی رو به قبله یاتمیشام
.
زینبم من قتلگاهونده همان دل داغلیان
ناقلر اوسته گیدوب بی سر صداسیز آغلیان
.
سن گورن زینب دگول غم قامتین ایتمیش کمان
دورماقا طاقت یوخومدور دیزلریمده یوخ توان
.
سن گورن زینب رشیدیدی اوجا بوی قامتی
باشینی غملر آغارتدی گیتدی الدن طاقتی
.
سن گورن زینب عبیدالهی رسوا ایلدی
کربلا عشقین اورک ملکونده احیا ایلدی
.
عالم و آدم بیلیر زینب سنه دل بسته دی
بومنیم آخر سوزومدی گل باجون جان اوسته دی
.
آیریلوب روحی بدندن یومدی زیبا گوزلرین
عالم معنا ایشتدی شاه بی سر سوزلریون
.
سس گلوب ای مظهر ایمان سلام اولسون سنه
ایلدون ئوز عشقوی اثبات زینب سن منه
.
غصه و غمدن اولوب آزاد دینجلدین باجی
دردیوه چوخ آغلادین حقدن دوا آلدین باجی
.
خوش گونه حسرت قالان لایلای باجی لایلای باجی
دیده سی خونبار اولان لایلای باجی لایلای باجی
.
سن منه خاطر دوشوبسن زینبیم چولدن چوله
قویمیوبسان خردا قیزلاریم ایاق التدا ئوله
.
چوخدی بوینومدا سنین حقون حقیقت پیشه سن
قویمادون قانیم باتا سر تا ز پا اندیشه سن
.
قامتین گر خمدی اما سینمیوب شخصیتین
واردی الله محضرینده جایگاهون عزتین
.
تا جهان وار زینبیم آدون سنین پاینددی
دشمنان دین و قرآنین باجی شرمنددی
.
(ماه پری )آغلار گوزیله یازدی شعرین دفتره
حمد و رحمت یولادی هم (منزوی)هم (انوره )
.
.
#زینبیه_شهادت
#ای_اجل_مهلت_ویر_اندوه_و_بلا_آماجیام
#ماه_پری_زنجانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید