اربعین
..
..
..
..
مرحوم حسینی سعدی زمان
..
..
..
..
باش گوتور بیر قبردن ای تاجداری زینبون
قبریوه مشکل دوشه بیرده گذاری زینبون
..
..
..
..
خاطریمده واریدی بیر عمردور بو آرزو
اشگیله قبرون غبارین ایلییدیم شستشو
شکر لله قسمتیم اولدی بو قبر مشگبو
گرد قبرون سیلدی چشم اشکباری زیبنون
..
..
..
..
بو مقدّس تربتون عرش خدا مشتاقیدور
روی حورالعینه زیور کربلا توپراقیدور
صبریمی الدن آلان عرش جلالون طاقیدور
واریدی چوخدان بو حاله انتظاری زیبنون
..
..
..
..
قبریوه قربان اولوم ای قبلۀ اهل یقین
شمع عشقه یانموشام پروانه تک بیر اربعین
بولموشم شش گوشه قبرون رشگ فردوس برین
گلموشم شوط ایتماقا ای شهریاری زینبون
..
..
..
..
ای ایکی نهرین آراسندا لب عطشان جان ویرن
روضۀ فردوسی ایتمز آرزو قبرون گورن
اربعین زُوّاریدور بو بیر بلوک تازه گَلَن
وار ولی بو کارواندا اشتهاری زینبون
..
..
..
..
نقد جان بذل ایلر عاشق باوفا جانانینه
من اسیر اولدوم دوشن گون سن بلا میدانینه
قبریوه مشتاقیدم آند اولسون اکبر جانینه
سنسن عالمده وفالی بیر نگاری زیبنون
..
..
..
..
دلخوشام بو توزلی قبری جان تک آغوشه آلام
زلفیمی بو مرقد پاک اوستونه قارداش سالام
جان ویرم تا وار جهان کوی وصالوندا قالام
سن کیمی یارین اولا بیر جان نثاری زینبون
..
..
..
..
کوچ ایدن ساعت آنام اوغلی بو چولدن شامه من
گوردوم عریان جسمیوی باشسیز یارالی بی کفن
نعشوی دفن ایتمه دیم عذر ایسترم آگاه سن
اولمادی دفن ایتماقا چون اقتداری زینبون
..
..
..
..
دین اسلامین اسیر اولماقدا گوردوم رونقین
چوللره دوشدوم اله آلدیم اسارت بیرقین
کوفه ده حق بیر سوز اوسته کوفیان ناحقین
پوزدی تشکیلات عیشین آه و زاری زینبون
..
..
..
..
غصّه دن صبریم کسیلدی ناقه دن گلدیم دیله
حقّیوی ایتدیم حسین اثبات قوم باطله
نطق آتشبار زینب سالدی شهره غائله
نطق ایدوردی گوئیا باب کباری زینبون
..
..
..
..
یتدی تا قرآن سسون بو بیکس و خونین دله
ایلدیم نظّاره گوردوم گول یوزون باتموش کوله
باشیمی ووردوم یارالی منده چوب مَحمِله
اولدی رنگین قانیله زلفی عذاری زینبون
..
..
..
..
گیتمه دیم اؤز باشیمه بزم عبیداللهه من
باشوین آردینجا بیر باش گیتدیم ای شاه زمن
من دیمم نولدی او مجلسده گوروردون اوردا سن
صبرین الدن ویردی قلب بردباری زینبون
..
..
..
..
ابن مرجانه او گون ویرموشدی خلقه اذن عام
هاردا بیر رجّاله وار ایتموشدی اوردا ازدحام
لیک قول باغلی ایاق اوستونده دورموشدی امام
سلب اولونموشدی گویولدن اختیاری زینبون
..
..
..
..
کوفه ده تیر جفایه قلبیمی ویردیم نشان
کوفه ده ظلمین یتوردی انتهایه کوفیان
نیزه باشینده باشون شامه طرف اولدی روان
کوفه دن یوللاندى شاماته قطاری زینبون
..
..
..
..
گَتدی شوره عترتون بلبل کیمی اهل عراق
خردا قزلار گل کیمی سولدی ز بس گوردی نفاق
عیسویلر دیرینه گتدی کسیک باشون قوناق
وار یری اولسون مسیحا شرمساری زینبون
..
..
..
..
داد او ساعتدن یتیشدى شامه آل مصطفا
بو شکسته دل لره یوز ویردی تازه ماجرا
باشلادی جور مُخالفدن حجازیلر نوا
دگدی داشه شیشه تک قلب فگاری زینبون
..
..
..
..
شامده قارداش گوزومده گوندوز اولدی شام تار
شامون اهلی پیشوازه گلدی الده چنگ و تار
سسلنوردی شمردون گلدی اسیران تتار
گور نجه قارداش قبول ایلر بو عاری زینبون
..
..
..
..
روزگار اولمور ندن ئوز گردشیندن شرمسار
شامده گوردی یهودیلر بیزی بی غمگسار
رحمةً للعالمین اولادین ایتدی سنگسار
کاش ئولیدی گورمییدی سنگساری زینبون
..
..
..
..
بزم عشرت ایلدی چیده یزید بی حیا
سویلدی گلسون بو بزمه اهلبیت مصطفا
گور باجون زینب هارا قارداش ایله مجلس هارا
دوشدی جبراً مجلس شربه گذاری زینبون
..
..
..
..
زینبون قانه دُونَن قلبین یزید ایتدی کباب
ایلدی مجلسده حاضر نرد و شطرنج و شراب
خیزران ظلمون بیان ایتماقلیقا یوخ دلده تاب
شرح قیلسون خیزرانی یا قماری زینبون
..
..
..
..
ایستورم ششگوشه قبرین شوطینی بیر اربعین
وضع ایّامیله اما قسمت اولسون چوخ چتین
نوحه خوانیله نصیب ایت ای «حسینی» آفرین
قدرتون گوستر خدای کردگاری زینبون
..
..
..
#اربعین #سعدی_زمان #ترکی #زبدةالاشعار
نظر دهید