باغریمیز قان اولدی یاصاحب زمان فریاده گل #مهدیه_خادم_تبریزی

یا مهدی
.
#زبدةالاشعار
.
: @nohe_torki
.
مرحوم احمد پورعطا (خادم تبریزی)
.
باغریمیز قان اولدی یاصاحب زمان فریاده گل
الامان یاحجت الله الامان فریاده گل
.
.
دولدوروب کفروضلالت یر یوزون مملو اولوب
شیعیانون ظلملردن باغری قانیلن دولوب
گلشن اسلامه باخ پژمرده دور شاها سولوب
قویما اولسون گلستانی بیر خزان فریاده گل
.
.
هرطرفدن اهل اسلامه فراهم دور بلا
گون قباقنده قالوب قبر رسول و مجتبا
باغلانوب چوخداندی راه پادشاه کربلا
بیزده یوخ بو نسگله تاب وتوان فریاده گل
.
.
اهل علمون حرمتین گوتدی منافقلر شها
اهل اسلامون توکولدی باشنه کللر شها
جانه گلدوق ظلمدن اسلامیان یکسر شها
اهل اسلامه تاپولماز بیر یانان فریاده گل
.
.
اهل اسلامون توکوللر قاننی ناحق یره
شیعیان کفارالنده گور نجه‌دوشموش گیره
صاحب اول بوروزگاره دگدی عالم بیربیره
محو اولار کفار النده شیعیان فریاده گل
.
.
محضرنده جدیوین قانلارتوکولدی بی سبب
ایمدیده اغلاراوظلمه شیعلر هرروزوشب
گلمسون شاها او قانی ایلمز هیچکس طلب
گورنجه مظلوم اولوب اسلامیان فریاده گل
.
.
سسلروق شام وسحر عصرین امامین هارداسان
سن بولورسن اهل اسلامین مرامون هارداسان
تیز ظهور ایت جدیوین آل انتقامین هارداسان
شمردن یوخ جدیوین قانین آلان فریاده گل
.
.
جدیوین قانین اوزون گل آل که حیدر قانیدی
خونبها اولماز اوقانه چون پیمبر قانیدی
بلکه ثارالله دی زهرای اطهر قانیدی
کربلاده توکدولر سفیانیان فریاده گل
.
.
بوجهان اولمازتماماخونبهاسی اکبرین
حق یولوندا ویردی قربان اوز آتاسی اکبرین
ایمدیده آغلار قالوب بیکس آناسی اکبرین
حقّی وار قان آغلیه تاوار جهان فریاده گل
.
.
اوندا که ویردی اجازه پادشاه تشنه کام
گلدی شهزاده ویروب بیچاره لیلایه سلام
گوردی لیلا بو سلام آخر سلامدی یوخ کلام
سسلدی گیتمه علی بیر آز دایان فریاده گل
.
.
چوخ تعجبدور آنان لیلا ندن المز علی
نوجوان داغن جوانی الموین بلمز علی
باشیوا قوی بیر دولانیم دیزلریم گلمز علی
سن ئولنجه کاش ئوله لیلا آنان فریاده گل
.
.
اهلبیت مصطفی سقاسینه قوم ظلم
ویرمدی بیر مشگ سو هم قولارین ایتدی قلم
دولدی مشگی قانیلن سندی باشی یاتدی علم
آلدیلار قولسوز آرایه کوفیان فریاده گل
.
.
گوردولر آتدان دوشوب یالقوزلانوب قولسوز اوزی
خیمگاهه هی باخور قارداش یولی گوزلور گوزی
گیتدی یرلرده سورونماقدان ابوالفضلین یوزی
چکمدی ال بیمروت دشمنان فریاده گل
.
.
جدیوین آخیر وداعنده عیال بوتراب
آچدی‌باشین یولدی زلفون باشینه سپدی تراب
اودلانان قلبین سکینه دللری ایتدی کباب
جدیوی یاندیردی اول شیرین زبان فریاده گل
.
.
جدّیوین اول حالنه شاها قسم ویررم سنی
کربلایه ایسته بووقفه بواهل دسته نی
باشلاسون «خادم» حرمده شوقیلن بو نوحه نی
باغریمیز قان اولدی یا صاحب زمان فریاده گل
.
.
#مهدیه_خادم_تبریزی
#باغریمیز_قان_اولدی_یا_صاحب_زمان_فریاده_گل
#ترکی
.
#زبدةالاشعار
.
: @nohe_torki