زبدةالاشعار

خیالیمه سالارام عون و جعفر و فضلی #حضرت_ام_البنین_انور_اردبیلی

زبانحال #حضرت_ام_البنین (س) در مدینه
.
.
.
مرحوم #انور_اردبیلی
.
خیالیمه سالارام عون و جعفر و فضلی
ئولونجه اوخشیارام شیردل اباالفضلی
.
باشینون اوسته ئولن وقته اولمادیم نیلوم
آچوب بو زلف پریشانی یولمادیم نیلوم
.
اگر اولیدیم او چولده قیامت ایلردیم
بالاما دشت بلاده حمایت ایلردیم
.
نقدر ائدیدوم اگر آه و ناله دویمازدیم
کسیلن اللرینی توپراق اوسته قویمازدیم
.
همان او قوللاری جان تک سینمده ساخلاردیم
گلینجه قارداشی داده اؤپردیم آغلاردیم
.
حسینیمه او کسوک اللری وئرردوم ئوزوم
دیردوم آل بولاری ساخلا یوخدی منده دوزوم
.
فغان و آهیمیلن کائناتی داغلاردیم
حسین دینده بئلیم سندی منده آغلاردیم
.
قولاق وئرردیم اونون دقّتیله نوحه سینه
سسیمی منده قوشاردوم حسینیمون سسینه
.
دینده آچ گوزون عبّاس نور عینیم وای
دیردوم اوندا یقین منده وای حسینیم وای
.
او باشی اوسته نوا ایلینده آغلاردیم
ایاق طرفده ده من چکمه سین قوجاقلاردیم
.
یارالی سینه سی اوستن چکنده پیکانی
تزلزله گتورنده او دشت و صحرانی
.
دیردوم آغلا بالا اوخلارا ال آتما حسین
یاتوبدی نازیله عبّاسیمی اویاتما حسین
.
چتین اولوب سنه گر چه بو نوعی یانما بالا
باشینون اوسته اباالفضلیمون یوبانما بالا
.
سن آغلاسون غمیوه کوفیان ائدلَّه طرب
گئدک خیامه منیلن گوزتلیور زینب
.
.
#حضرت_ام_البنین
#ورود_مدینه
#خیالیمه_سالارام_عون_و_جعفر_و_فضلی
#جلوه_عاشورا2_انور
#ترکی
.
.

متن پیشنهادی:  بنزر بدنون بیر گل خندانه ابوالفضل #عباسیه_ذهنی_زاده

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی