باغلاندی چون فرات یولى آل حیدره #فرات_ذهنی_تبریزی

فرات – حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم صافی تبریزی
.
باغلاندی چون فرات یولى آل حیدره
فریاد العطش یتوشوب چرخ اخضره
.
زهرایه مهر اولان سو حرام اولدی ظلمیله
کرب و بلاده عترت زهرای اطهره
.
آهو کیمی ملردی سزیلداردی اهلبیت
دوندردی قیل و قال او صحرانی محشره
.
ایش یتدی بیر مقامه که اطفال ضعف ایدوب
بی حسّ دوشدی قالب بی روح تک یره
.
ناگه سکینه دردینه بیر چاره فکر ایدوب
سقّا حضورینه ایدوب عزم اول مخدره
.
تا یتدی دوتدی عجزیله عباس دامنین
سالدى ئوزون کنار عمِ مِهر گستره
.
اوّل الین دوداقینه قویدی اشارتاً
یعنی باخ ای عمو بو یانان غنچه لبلره
.
آچدی زبان حال دوتا دوتموب دیلی
تا بلکه شرح حالین او سرداره بولدوره
.
عرض ایلدی عمو نه روادور فرات آخا
آل على باخوب سویا حسرتله جان وئره
.
جام الده خیمه گاهی سراسر دولانموشام
بیر شربه سو تاپولمادی شهزاده اصغره
.
نه وار آناسینون سودی نه وار سو ، سوزدَن
دوشموش او سودامر بالا مهد ایچره اخگره
.
ایمدی علاج سنده دی ای مهربان عمو
ناچار بیر امیدیله گلدیم بو محضره
.
سندن کسوب امیدیمی بس یالواروم کیمه
نه قاسمه قالوبدی گمانیم نه اکبره
.
انصاف دور فرات آخا دریا کیمی چوله
بیر مشگ سو تاپولمیه اطفال مضطره
.
تغییر حال چخدی ابوالفضل خیمه دن
گلدی حضور خسرو بی یار و یاور
.
عرض ائتدی سیّدی داخی دویدوم حیاتدن
خوشدودر وجودیم اولسا نشان تیر و خنجره
.
چوخ التماس و عجزیله اذن آلدى شاهدن
اولدی سوار عقابینه تا یتدی لشکره
.
ظلمت مقابلینده دوروب ماه هاشمی
حیران باخاردی لشکر او ماه منوّره
.
تا وئردی ئوز حَسَب نَسَبین کاملاً نشان
ائتدی خطاب غیظیله قوم بد اختره
.
آیا تانورسوز هچ بولوسوز کیمدی بو غریب
سالدوز بلایه ظلمیله التدوز محاصره
.
عین الیقینی ایلدوز انکار جهلیله
ائتدوز یزیده بیعت او مرتد کافره
.
عین الحیات دور بو که منع ائتموسوز سودان
باعث بودور حیاتوزا ای قوم یکسره
.
قویدوز امام عصره ندن خارجی آدی
ممکن دگول حجاب اولا خورشید خاوره
.
پیغمبر اوغلی فاطمه نون نور عینیدور
حافظ بو شهریاردی شرع مطهره
.
انصاف ایدون تصور ایدون بیر نه سوزدی بو
آد قویموسوز اماموزا عاقّ اولدی کافره
.
سیز هانسی حکم شرعیله ائتدوز بو گون حلال
بیر قان که نسبتی چاتیشور حیّ داوره
.
فرض ایلیاخ که دینوزی دنیایه ساتموسوز
عاقّ اولموسوز خدایه امامه پیمبره
.
بیر ظلم کیم یهود و نصارایه اولمیوب
گوردوز روا بو بیکس و مظلوم سروره
.
آخر ندور گناهی بو مظلوم اوشاقلارین
دوشموش عطشدن هر بیری بیر نقش دیگره
.
باغلاندى هانسی کافر و ترسایه سو یولی
سبز باغلادوز سُلالۀ ساقیِّ کوثره
.
« ذهنی » بو نوع الده سزیلدار قلم بس ائت
یوخسا سالور شراره بو سوزیله دفتره
.
.
#فرات #ذهنی_تبریزی
#عباسیه_شهادت
#باغلاندی_چون_فرات_یولى_آل_حیدره
#ترکی
.
✍️ #زبدةالاشعار ✍️
.
🆔: @nohe_torki