وداع حضرت اباعبدالله الحسین (ع) با حضرت سجاد (ع)
.
.
مرحوم ذلیل تبریزی
.
.
قتیل عشق که غرق اولدی بحر غوغایه
چکوب ذبیح لرین کوه عشق مینایه
.
یتوب خطاب خدا ساکنان اعلایه
منای عشق حسیندور چخون تماشایه
.
تمام ایلیوب اعمالینی امام علیم
منای عشقده بیر جان قالوب ایده تسلیم
.
باخوب که بزم ملاقاته بیر نظر قالدى
دولاندی سیّد سجّاده بیر نظر سالدى
.
گلوب که سید سجّادی ایلسین آرام
بو امره صبر ایلسون چون اولوبدی امر تمام
.
بو طور عشقیده محو اولماسین مثال کلیم
کلیم وارثینه حقّی ایلسین تسلیم
.
گورنده سیّد سجّاد ، اول شه زمنی
بویوردی عمّتی ، مُنضمّ سینه ایله منی
.
پاپوش قولومدان ایاقه دوروم ایدیم تکریم
پیمبر اوغلى یتیشدی دوروم ایدیم تعظیم
.
او سیّد دو سرا خیمه گاهی ایلدی طور
خیام سیّد سجّادی ایلدی پر نور
.
وئروب سلام او بیماره بیر نظر سالدى
عموم رسمیله بیر حالینی خبر آلدى
.
وئروب جواب ایا قبلۀ انام الله
بیزیم کی سهلدی ، حفظ ایلسین سنی الله
.
ایدوبله قتلون ایچون جمع قوم کج روشی
بو قوم کج روشیلن هارا یتوردون ایشی
.
بویوردی کفرده دوردی بو فرقۀ کافر
نقدر وعظ ایلدیم ائتمدی بو قومه اثر
.
بس اولدی بونلارا ابلیس سر بسر غالب
اولوبلا قانیمی توکماقلیقا اودور راغب
.
آلشدی آتش دعوا چکوب شرار شرر
توخوندی بیر بیرینه برق وار ، چون لشگر
.
بو گون بو معرکه ده قان چخوب اولوب دیزدن
ئولوبله جمعی اولاردان ، بیر عدّه ده بیزدن
.
ئولوم آدین ائشیدن دمده حضرت سجاد
جگردن آه چکوب ائتدی ناله و فریاد
.
دیدی اولوبدی سعادت کیمه نصیب بو گون
عیادتیمه بس هیچ گلمیوب حبیب بو گون
.
بس هاردادی ، او گل گلستان پیغمبر
نه وار بو گون که اودا ائتمیوب بو سمته گذر
.
دیدی حبیب منیم قلبیمی کباب ایلدی
او آق محاسیننی قانیله خضاب ایلدی
.
گتوردی درده من باغریقانی چوخ درده
یارالی جسمی قالوبدور حبیبمین پرده
.
دیدی زهیر بو یرون هانی هلال هانی
با بویور گوروم بابا جان مسلم و بلال هانی
.
دیدی زهیر شهید اولدی مسلمیله بئله
هلالی گوزلمه محشر گونی اولور که گله
.
گیدوب الیمدن اولار قالمیشام بو چولده وحید
بو قدر وار هامی اصحاب لر اولوبلا شهید
.
دیدی بابا هانی بس قاسمیله عبدالله
بویوردی اولدی اولار عازم جنان الله
.
دیدی عمون غمی بو تک قالانی یاندیردی
شهید اولدی ولیکن بلیمی سیندیردی
.
ائشیتدی بو سوزی ضعف ایلدی او پاک گهر
گلنده هوشه دیدی بس هانی علی اکبر
.
بو رمزی خسرو لب تشنگان ، چون بولدى
نولور اگر دیه بیردن که قارداشون ئولدی
.
بویوردی صبر ایله هیچ ائتمه ناله و فریاد
بو شور عشق حسیندور هر آنچه باداباد
.
هامی کمک لر ئولوب قالمیوبدی بیرجه نفر
ال اوسته تشنه جگر اوخلانوب علی اصغر
.
شرار شعشعۀ آتش فراقم من
ئوزومده نچّه دقیقه سنه قوناقم من
.
.
#وداع #ذلیل_تبریزی #حسینیه #حسینیه_وداع #ترکی #زبدةالاشعار
نظر دهید