بسته شدن راه فرات
.
زبدةالاشعار
?: @nohe_torki
.
مرحوم حاج عبدالعظیم ذهنی زاده تبریزی
.
باغلانوب سو یوللاری بو گونده آل حیدره
کربلادن العطش فریادی چخدی گویلره
.
.
باخدی سعد اوغلی زیادین اوغلونون فرمانینه
باغلادی سو یولارین کرب و بلا سلطانینه
اولدی باعث عترت پیغمبرین افغانینه
سو گمانی قالدی اشگیله دولی چشم تره
.
.
خیمه لردن قوتولوب سو یاندی آل مصطفا
سو خصوصینده خجل اولدی بالاسیندان آنا
کربلانون هر بلاسی بیریانا سو بیریانا
آرتوخ اولدی سو غمی هر غمدن آل اطهره
.
.
شرح ایدوب موسایه بیر سوز که اوگون پروردگار
کربلاده بی کم و کیف اولدی مطلب آشکار
تشنه لیقدان درک ایدوب چوخ تشنه طفلی احتضار
بیر سو اوسته اولدی اوخ دایه علی اصغره
.
.
لیله دیجوره دوندی چوخ سوسوزلار گوندوزی
چوخ سوسوزلارین ایشیق گوندوزده گورمزدی گوزی
چوخ سوسوز دللر دولانمازدی بیان ایتسون سوزی
رمزیله درد دلین قیز عرض ایدردی مادره
.
.
کربلاده هر بلانی سو گتوردی باشلارا
بیرسو اوستونده قیزیل قانلار سپیلدی باشلارا
بیر سو اوسته قالدی حسرت باجیلار قارداشلارا
خیمه لردن اوج ایدر ناله سپهر اخضره
.
.
بیر سوسوزلوق آتشی چوخ داغلی دللر داغلادی
چوخ اوزون قولاری یالقیز بیر سو مشکی باغلادی
بیر سو اوسته تشنه سقا گوزلری قان آغلادی
مشکی اوخلاندی سویی آخدی توکولدی یرلره
.
.
ذهنیا آغلا بوگونده باغلانوب راه فرات
ناله المانیله دولدی خیام طاهرات
تشنه لبلر حالنه قان آغلیوبدور کاینات
هر طرفدن یر یوزی تنگ اولدی آل حیدره
.
#سبک_زینبم_جان_اوستیم (4 سبک)
پخش‌کننده صوت
#فرات
#باغلانوب_سو_یوللاری_بو_گونده_آل_حیدره
#ذهنی_زاده
#ترکی
.
#زبدةالاشعار
?: @nohe_torki
: @nohe_torki . روح الله رمضانی . بیرشه والادی علی النقی عالی واعلادی علی النقی وارث زهرادی علی النقی هیکل تقوادی علی النقی رتبه ده تنهادی علی النقی عالمه مولادیبیشتر
نظر دهید