زبانحال حضرت لیلا (س)
.
✍️ زبدة الاشعار ✍️
?: @nohe_torki
.
مرحوم خوندل تبریزی
.
اولموسان آهو کیمی صیاد عشقه رام اوغول
لیلی مجنون نمادن آلموسان آرام اوغول
.
.
ای جمالی مظهر وجه حبیب ذوالجلال
اولموسان نه نوعیله سرگرم مینای وصال
باخموسان اولموش آنان زلفون کیمی آشفته حال
قیل مراعات وفا ایت حالین استعلام اوغول
.
.
قان اولور باخدوقجه دل قانه باتان گوز قاشیوه
عالم حیرتدیم پرگار تک نقّاشیوه
دیزلریم گلسه اوغول دورّام دولانام باشیوه
جانه آلّام دردیوی ای صورتی گلفام اوغول
.
.
بسکه پیکانیله پیک وصلته توش اولموسان
شاهد وصلیله معناده هم آغوش اولموسان
لیلیه ناز ایلوسون یا اینکه مدهوش اولموسان
یا سنی دلدن سالوب بو فرقه ظلام اوغول
.
.
قان آخوب هر چند گل تک گلشن حسنون سولوب
نرگس مستون ولی قانیله ساغر تک دولوب
بو بدندور یا گل صد برگدور خندان اولوب
ظلمینی تکمیل ایدوب اشرار خون آشام اوغول
.
.
فوج اعدادن دگوب هر اوخ بو زیبا پیکره
آرتروب پیکان یاراسی جلوه زخم خنجره
یاره لر جسمونده تشکیل ایلیوب بیر منظره
گورمیوب مثلین گورنمز گردش ایام اوغول
.
.
اهل عشقه عشقیوی عالمده ابراز ایلدون
محضر زهراده لیلانی سرافراز ایلدون
جان آلان اوخلار سنه سن اوخلارا ناز ایلدون
رو سفید اولدوم ایوین آباد آلدیم کام اوغول
.
.
صورتون واقعده بیر آیینه دور پیغمبره
سنله وجه حق تجلا ایلدی بو لشکره
حیف اولا رحم ایتمیوب دشمن من غم پروره
خوشدی مجنون ایلسه لیلانی بو آلام اوغول
.
.
گرچه باغ عمردن کامونجه بیر گل درمدون
هر نه دشمندن بلا یوز ویردی یوز دوندرمدون
بیر نشانه حیف صغرایه علی گوندرمدن
گوزلری یولدا یولون گوزلر صباح و شام اوغول
.
.
بیر نفر «اخلاقی محمود» ایتدی اول فتح باب
شاهد معنا یوزیندن آچدی واقعده نقاب
امتیازاً #خوندلی تصحیحه ایتدی انتخاب
سنده لطفاً ایله مقبولیتین اعلام اوغول
.
#سبک_زینبم_جان_اوستیم (4 سبک)
.
#اکبریه_شهادت
#اولموسان_آهو_کیمی_صیاد_عشقه_رام_اوغول
#خوندل_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید