باقی فنا فی الله افتخار خلق الله #حسینیه_هادی_تبریزی

زبانحال حضرت زینب کبرا “س” در شهادت امام حسین “ع”
شور زنجیر
.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
باقی فنا فی الله
افتخار خلق الله
ایسّی قوملار اوستونده
تشنه جان ویرور الله
.
ناحق آخدی ثارالله
یرده یازدی یا الله
لا اِلهَ الّا الله
لا اِلهَ الّا الله
.
.
.
.
شیر لم یزل اوغلی قهرمان آزادی
یخدی دست قدرتله کوخ پست بیدادی
دست همّتی بوکدی دفتر ستبدادی
آخدی ثاری ثار الله یرده یازدی یا الله
لا اِلهَ الّا الله لا اِلهَ الّا الله
.
.
شمع تک بو صحراده دلدن اود دوتوب یاندی
داغ قلبینه مرهم نیزه داشدی پیکاندی
دین یولوندا قارداشیم جان گذشته انساندی
ناحق آخدی ثارالله یرده یازدی یا الله
لا اِلهَ الّا الله لا اِلهَ الّا الله
.
.
کور اولوبدی ظلمیله چشم چشمۀ وحدت
چکدی چهرۀ چرخه گَردِ نِکبَت و ذلّت
گوی قرالدی تار اولدی دوتدی عالمی وحشت
کربلایه یوز قویدی قبریدن رسول الله
لا اِلهَ الّا الله لا اِلهَ الّا الله
.
.
پشت پا مسلمانلار ویردی نصّ قرآنه
وای اولا بو دنیاده ملّت مسلمانه
باتدی هیکل قرآن ظلم الیله اَلقانه
اولدی نیزه و خنجر حامیِ کلام الله
لا اِلهَ الّا الله لا اِلهَ الّا الله
.
.
سیل کیمی سالوب رخنه سدّ سخت اسلامه
زینبه یازوب اوخلار توپراق اوسته برنامه
قتلگاهیده برپا زینب ایتدی هنگامه
باتدی سینۀ زهرا لال اولا دلیم الله
لا اِلهَ الّا الله لا اِلهَ الّا الله
.
.
ناگهان تاپوب صورت بیر جدال هول انگیز
کاسۀ دل زینب اولدی خشمیدن لبریز
قوزانوب او اثناده قتلگهده رستاخیز
کیم باخوب دیدی زینب شیر حقّدور والله
لا اِلهَ الّا الله لا اِلهَ الّا الله
.
.
شیر حقّیدن ایتدی شیرزاده استمداد
توپراقا نگون اولدی دیو جانیِ بیداد
سسلنوب دیدی دنیا فاطمه ایوون آباد
اولدی ظلمته غالب نور چشم نور الله
لا اِلهَ الّا الله لا اِلهَ الّا الله
.
.
تند باد غم یخدی کاخ صبر طاهانی
ئولدوروبدی شام اهلی نور چشم زهرانی
شمر پَست و بد فطرت داندی دین و قرآنی
کربلا مناسینده ذبح اولوب ذبیح الله
لا اِلهَ الّا الله لا اِلهَ الّا الله
.
.
قانه دوندی قان اولدی آب کوثر و زمزم
دوشدی لرزه افلاکه بی قرار اولوب عالم
چولقیوبدی دنیانی لرزه وحشت مُبهَم
تشنه لب شهید اولدی نورعین عین الله
لا اِلهَ الّا الله لا اِلهَ الّا الله
.
.
نیم روز ننگ آور گون دوشوب طراوتدن
قاچدی گوندوزون رنگی گیزلنوب خجالتدن
دامن زمان اولدی قرمزی جنایتدن
بس هایاندا قالموشدی دست انتقام الله
لا اِلهَ الّا الله لا اِلهَ الّا الله
.
.
بو قیام قیامتدن زینبه قیامتدی
خیمه گاه اودی گویا سوز آه و حسرتدی
چوللره قاچوب قیزلار وقت قتل و غارتدی
ناحق آخدی ثارالله یازدی یرده یا الله
لا اِلهَ الّا الله لا اِلهَ الّا الله
.
.
کربلا دولی قاندی سرزمین احمردی
باشدا تاج ایمانی زینبون بو مَعجردی
شاه عصمته مَعجر باشدا مثل افسردی
ناحق آخدی ثارالله یازدی یرده یاالله
لا اِلهَ الّا الله لا اِلهَ الّا الله
.
.
ای امید آزاده ای شهنشه والا
عجز ایده باخون زینب دشمنه بوگون حاشا
اشقیایه یالوارماز دُخت عصمت کبرا
ناحق آخدی ثارالله یازدی یرده یا الله
لا اِلهَ الّا الله لا اِلهَ الّا الله
.
.
آفتاب غمگینم چرخ بُرج مِحنتدن
شرق عشقیدن چخدیم کشور محبّتدن
من بو چولده مافوقم لفظ پاک عفّتدن
ناحق آخدی ثارالله یازدی یرده یا الله
لا اِلهَ الّا الله لا اِلهَ الّا الله
.
.

.
.
#حسینیه_هادی_تبریزی
#حسینیه_شهادت
#باقی_فنا_فی_الله_افتخار_خلق_الله
#ترکی
.
✍️ #زبدةالاشعار ✍️
.
🆔: @nohe_torki