شب عاشورا
.
#زبدةالاشعار
.
: @nohe_torki
.
#سبک
پخش‌کننده صوت
بیدق داری
.
بزم عرفان دوزه لوب شور و نوایه بوگجه
گویلرین اهلی باخور کرب و بلایه بو گجه
صوت جانان اوجالور
عرشه قرآن اوجالور
.
اکبرین نغمه ی قرآنی وئرور روحه جلا
اوخودوقجا او دیور لیلی بو الحانه فدا
سنی چوخ گورمسین اوغلوم بو دل افکاره خدا
فرصتیم شکرخدا واردی دعایه بو گجه
.
.
بیر طرفده علی اصغر آناسی تشنه ی آب
باخوری دلسیزینه گوزلری نم قلبی کباب
دیور اوغلوم اوگوزل گوزلره قرباندی رباب
صبرائله صبح آچیلا گلمه نوایه بو گجه
.
.
بیر طرفده آچیلیب سفره ی عشق ازلی
دایانوب سفره کنارینده ابوالفضل علی
سویلیور قارداشینا یوخدی بو عشقین خللی
تشنه لر ال تاپاجاق آب بقایه بو گجه
.
.
گلسه یوز دفعه امان نامه دوباره جیرارام
اذن وئرسن منه ساپ تک بوسپاهی قیرارام
آلارام اصغره سو علقه پرچم ویرارام
سالارام ولوله نی دشت بلایه بو گجه
.
.
شه بویوردی بو گجه راز و نیاز ایلیورم
عشق معشوقیله فرصتده نماز ایلیورم
گئتماقا مهلکه دن خلقی مجاز ایلیورم
تاهدف روشن اولا اهل ولایه بو گجه
.
.
وئردی فرمان او زمان اکبره سلطان حجاز
سوندوره مشعلی تاکشف اولونا عالمه راز
بویوروب بسدی اگر اهل شرف قالسا بیر آز
بیلینر سالک اولان راه خدایه بو گجه
.
.
امر مولایه اطاعت ائلیوب لیلیه جان
سوندروب مشعلی تا قالمیا اوردا اوتانان
عشق دنیائیله کیم گلمیشیدی اولدی روان
قالدی یتمیش ایکی شایسته لقایه بوگجه
.
.
باخوری قامت عباسه مودب باجیسی
اونا جان جان سولیور دیلده مرتب باجیسی
دیور ای کاش اولا قربان اونا زینب باجیسی
آی کیمی نورسالوب کرب وبلایه بو گجه
.
.
شهدادن بیری راویدی یازیلمیش خبره
گجه نین بیریاریسی حافظیدیم خیمه لره
بیرخمیده نفرین کولگه سی گلدی نظره
گوره سن کیمدی دئدیم چولده کی سایه بوگجه
.
.
یئریدیم تا قاباقا گوردوم آقامدور نگران
اگیلور یئرده تیکانلاری یولور جان جهان
خبرآلدیم ندور علت بونا ای روح روان
دئدی وار فرصتمیز دفع بلایه بو گجه
.
.
سحر اولسا قاچاجاق چوللره بوردان بالالار
بیلورم گل تک ایاقلاری تیکانلار یارالار
تشنه لیق، ایستی هوا، صبری کسر طاقت آلار
سحرین فکری منی سالدی نوایه بو گجه
.
.
#شب_عاشورا_بیدقداری
#بزم_عرفان_دوزه_لوب_شور_و_نوایه_بو_گجه
#ترکی
.
#زبدةالاشعار
.
: @nohe_torki
نظر دهید