زبدةالاشعار

بس دگولدی بی سبب ام البنین #حضرت_ام_البنین_شانی_تبریزی

حالات #حضرت_ام_البنین سلام الله علیها
.
.
.
مرحوم #شانی_تبریزی
.
.
بس دگولدی بی سبب ام البنین
روز و شب ایلردی افغان و انین
.
نه وداعین گوردی اوز عباسنون
نه دوشندی اوستونه اعضاسنون
.
قلبنی بو اودلی نسگل داغلادی
گلمدی بیر گون ئولونجه آغلادی
.
ایلدی مسکن بقیعی شامه دین
توکدی اشکین صبحدن آخشامه دین
.
ایتدی دورت اوغلون بهانه روز و شب
واحسینا چکدی بو کان ادب
.
یاد ایدوب عباسینی صبح و مسا
ایلدی انشاد اشعار رثا
.
سسلمون بیرده منی ام البنین
قوی دیوم وجهین همین بو نکته نین
.
آلدی مندن دورت جوان بو چرخ پیر
گورمدی ام البنین آدین جدیر
.
آه و ویل و وااَسَف ای روزگار
دورت اوغول داغیله اولدوم داغدار
.
آه و واویل و اسف ای چرخ دون
قلبیمی هجر جوانان ایتدی خون
.
آه و واویل و اسف اهل سفر
نقل ایدوله کربلادن بیر خبر
.
وار یری قان اولسا گوز یاشی گوزون
اولماسون ایکاش اصلی بو سوزون
.
اوغلوم عباسین کسوبله یولارین
سو کنارنده سالوبلا قولارین
.
الغرض ام البنینون شیونی
رحمه گتدی رحمسیز بیر دشمنی
.
بیر گونی مروان هنگام عبور
دولدوروب گوردی بقیعی داد و شور
.
سویلدی کیمدور ایدر داد و انین؟
ویردیلر پاسخ بودور ام البنین
.
وار دئدی حقی، اگر قان آغلاسا
روز و شب هر لحظه هر آن آغلاسا
.
حقی وار بوندان اگر آرتوخ یانا
دورت اوغول داغنده دوزمز بیر آنا
.
حقی وار عباس تک اوغلی ئولن
ایلسون دنیا یوزین بیت الحزن
.
حقی وار هر گونده واویلا دیسون
تا نفس وار وااباالفضلا دیسون
.

#بس_دگولدی_بی_سبب_ام_البنین
#ترکی
#زبدةالاشعار

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...