زبانحال حضرت رقیه (س) با حضرت علی اکبر (ع) در خرابه شام
.
✍️ زبدة الاشعار ✍️
.
🆔: @nohe_torki
.
حاج علی زلفی تبریزی
.
سبک :: منیم ای تشنه قربانیم … بزن بر سینه و بر سر … ئوزوم گوردوم … حسین تعجیلیلن گیتمه … خداوندا الیم بوشدی …
.
خرابه یرده مدتدور
سراسیمه پریشانم
پری سینمش قوشام قارداش
بو یرده بند زندانم
.
.
ئوزولدی تا الیم سندن سرشگیم دوندی القانه
نه اولدی بیر جه غمخواریم باجون قالدی یانا یانه
یولوم دوشدی علی سنسیز قرانلوقدا بیابانه
جفای زجر دون باعث اولوبدی بیله لرزانم
.
.
دیدیم سنسون الین ظالم یتیمی بیله ورمازلار
آلالار گویلونی هرآن زر و خلخالین آلمازلار
اولوب قرآنیده تاکید طریق کینده دورمازلار
بس ایله ظلموی ظالم گورورسن نابسامانم
.
.
دیدیم ای قوم بی وجدان بولون بیز آل اطهاروخ
بیزیم دور آیه تطهیر نگین چرخ دواروخ
ندور تقصیریمیز آیا بیله ظلمه سزاواروخ؟
نمایان ایلدیم قارداش که پرچمدن نگهبانم
.
.
او بی وجدان او بی ایمان گوروبدور حقدی برهانیم
یوزومدن وردی بیر سیلی او ضربتدن یانوب جانیم
صغیره بیر قیزام نیلوم سمایه قالخدی افغانیم
اورکده نیسگیلیم چوخدی علی جان سینه سوزانم
.
.
گلنده شامه آی قارداش گیجه چوللرده قالمیشدیم
گر امداد اولملسیدی من یقین یوللاردا ئولموشدوم
قرانلوق چولده زهرای حزینون عطرین آلمیشدیم
او گون گوردوم که دامان آنام زهراده مهمانم
.
.
دونلگئم دوندی جوریله یولوم دوشدی بو شاماته
اگر شهزادیم لیکن قرین اولدوم بلیاته
در ویرانه ده وررام چخار آهیم سماواته
یامان پوزقوندی احوالیم اسیر قید هجرانم
.
.
منیله همدم و مونس اولوب ذائم بیبیم زینب
شریک هر نه دردیمدور منه همناله دور هرشب
اسیرانه مصاحبدور اونیلا باقی دور موکب
همان استاده شاگردم سخنران یتیمانم
.
.
آدیم (زلفی) عزالرده همیشه دیده گریانم
قرا پرچملره عاشق ملولم سینه سوزانم
بودور فخریم که ایللردی بودرگهده نواخوانم
ایدون اشعاریمه اغماض که بیر طفل دبستانم
.
.
#سبک_علی_اصغر_مه_انور ( 8 سبک )
.
.
#حضرت_رقیه_شهادت
#خرابه_یرده_مدتدور_سراسیمه_پریشانم
#زلفی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید