بنده دوشدور بند زلفونده منیم بند دلیم #مهدیه_هدایت_تبریزی

یا مهدی
.
زبدة الاشعار
.
: @nohe_torki
.
هدایتی تبریزی
.
بنده دوشدور بند زلفونده منیم بند دلیم
بند بندیم شعله چکدی آذر اولدور حاصلیم
.
آبرودن گئچدیم عشقین آبرو اولسون منه
روز اوّل عشقیله اولموش عجین آب و گلیم
.
انزوایه چکدی عشقین گون به گون حاصل منی
لاجرم خلوت نشینم بیت غم دور منزلیم
.
محفل آرای بلند آوازه و سیمین بدن
یاد ائله بیزدن ده رونق سیز قالوبدور محفلیم
.
شمع حسنون ده اگر پروانه مثلی پر وروب
اولماسام وعده مده صادق یانماسام یانسین دلیم
.
تیرباران ایله تیر تیز مژگانلا منی
خون بهایه ادّعا یوخدور سن اولسان قاتلیم
.
جان سنین دور قان سنین قربان سنین حیران سنین
گل قبول ائت یوخدو گر چه محضرونده قابلیم
.
قدّ بالانون بلاسی جانیمه گلسین منیم
قلزم عشقنده غرق ایت ، اولماسین هئچ ساحلیم
.
من سنین مجنونووام صحرای حیرت دور یئریم
ای منیم عالی عیار و باوقار و کاملیم
.
قوی دئسین لر بی وقار و غافل و مجنون منه
واهمم یوخ ، لحظه لحظه سن اوجال ، من اسکلیم
.
بذل ایله بیر بوسه قوی چاتسین «هدایت» کامنه
آستانون دا گدایم ای نگار باذلیم
.
.
#مهدیه
#بنده_دوشدور_بند_زلفونده_منیم_بند_دلیم
#هدایت_تبریزی
#ترکی
.
#زبدةالاشعار
.
: @nohe_torki