شهادت حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
حاج اسماعیل زرین
.
زهرا بوگون ترک ائیلدی دار فنانی
گزلتدی توپراق حیف او گنجور حیانی
.
ریحانه دور پیغمبره زهرای اطهر
محبوبه دور یکتایه اول خاتون محشر
.
.
زهرا رسول اکرمه آرام دلدور
گلزار پیغمبرده بیر شایسته گلدور
شان و مقامین درک ائدن ختم رسلدور
ریحانه دور پیغمبره زهرای اطهر
محبوبه دور یکتایه اول خاتون محشر
.
.
عالملرین نسواننه زهرا شرفدور
خوی و خصالی هر بیر انسانه هدفدور
هر بیر گوزل اخلاق و خلقه متصفدور
ریحانه دور پیغمبره زهرای اطهر
محبوبه دور یکتایه اول خاتون محشر
.
.
.
وئردی حیا و عصمتین درسین جهانه
حفظ حجابی تاپشوروب صنف زنانه
همسر اولوب شیر خدایه مشفقانه
ریحانه دور پیغمبره زهرای اطهر
محبوبه دور یکتایه اول خاتون محشر
.
.
شیر خدایه دائم ایلردی حمایت
تا واریدی جانینده جان ایلردی خدمت
قویمازدی دشمنلر اونا ایتسون اهانت
ریحانه دور پیغمبره زهرای اطهر
محبوبه دور یکتایه اول خاتون محشر
.
.
یالقیزلادی شیرخدا زهرا ئولنده
همدم تاپانمازدی دیه غم یوز وئرنده
شام و سحر زهرا آدی قالدی دلینده
ریحانه دور پیغمبره زهرای اطهر
محبوبه دور یکتایه اول خاتون محشر
.
.
چوللرده دردین توپراقا داشه دیردی
زهرا ئولن گوندن غم و غصه ییردی
هر دم گلنده منزله زهرا دییردی
ریحانه دور پیغمبره زهرای اطهر
محبوبه دور یکتایه اول خاتون محشر
.
.
زهرا دیمه پیعمبرین خوش یادگاری
باشدان باشا علم و ادب توحید باری
خلق ائتمیوب مثلین اونون دنیاده تاری
ریحانه دور پیغمبره زهرای اطهر
محبوبه دور یکتایه اول خاتون محشر
.
.
زهرا خواتین بهشتین تاجداری
مبهوت ائدن عالملری شان و وقاری
پیغمبر ذوالرّأفتین صبر و قراری
ریحانه دور پیغمبره زهرای اطهر
محبوبه دور یکتایه اول خاتون محشر
.
.
گوگلرده منصوره آدی یرلرده اما
هم فاطمه مشهور دور هم اسم زهرا
سسلردی اوز جدی اونا ام ابیها
ریحانه دور پیغمبره زهرای اطهر
محبوبه دور یکتایه اول خاتون محشر
.
.
نور خدائیله ائدوب دنیانی روشن
بوعزتی وئرموش اونا خلّاق ذوالمن
تعریفنون شرحنده دلدن عاجزم من
ریحانه دور پیغمبره زهرای اطهر
محبوبه دور یکتایه اول خاتون محشر
.
.
اخلاص اعمالنده حیراندور خلایق
اعمال خیرینده دالی قویموب علایق
هرآن عبادت ایلیوب خلّاقه لایق
ریحانه دور پیغمبره زهرای اطهر
محبوبه دور یکتایه اول خاتون محشر
.
.
عمرونده قویموشدی کناره ضایعاتی
حال عبادتده باشا وئردی حیاتی
شام و سحر احیا ائدوب صوم و صلاتی
ریحانه دور پیغمبره زهرای اطهر
محبوبه دور یکتایه اول خاتون محشر
.
.
اون بیر امامی بسلیوبدور عالمینه
نور هدایتدی بولار اهل زمینه
عزّ و شرافت آرتوروبلار مسلمینه
ریحانه دور پیغمبره زهرای اطهر
محبوبه دور یکتایه اول خاتون محشر
.
.
حجّت دیلر بونلار تمام ماسوایه
شاهد دیلر اعمال هر شاه وگدایه
هر تک تکی رأیت دیلر راه خدایه
ریحانه دور پیغمبره زهرای اطهر
محبوبه دور یکتایه اول خاتون محشر
.
.
زهرایه بونلار جسمده روح رواندور
قبلینده کی دور ایلین پاکیزه قاندور
حقین آلان آخرده مهدیِّ زماندور
ریحانه دور پیغمبره زهرای اطهر
محبوبه دور یکتایه اول خاتون محشر
.
.
مهدی آدی گلدی اورک دردی چوخالدی
هجران غمینده دللرین صبری آزالدی
چوخلار گئدوب حسرت اوتی گوگلونده قالدى
ریحانه دور پیغمبره زهرای اطهر
محبوبه دور یکتایه اول خاتون محشر
.
.
یافاطمه اوغلون گلوب کامه چاتیدوخ
بو درد و اندوه و غمی دلدن آتیدوخ
جان نقدین اول شاهه ارادتله ساتیدوخ
ریحانه دور پیغمبره زهرای اطهر
محبوبه دور یکتایه اول خاتون محشر
.
.
امّت رسول اکرمین پوزدی مرامین
هرگز رعایت ائتمیوبلر احترامین
یاندیردیلار پیغمبرین باب کرامین
ریحانه دور پیغمبره زهرای اطهر
محبوبه دور یکتایه اول خاتون محشر
.
.
امت علینون بولمدی شان ومقامین
شرع پیمبرده اولان سعی تمامین
غصب ایلیوبلر حقیّن اول برحق امامین
ریحانه دور پیغمبره زهرای اطهر
محبوبه دور یکتایه اول خاتون محشر
.
.
ثانی اوگون باشه یغوب قوم جهولی
او ووردیلار یاندیردیلار باب رسولی
قویدی در و دیوار آراسیندا بتولی
ریحانه دور پیغمبره زهرای اطهر
محبوبه دور یکتایه اول خاتون محشر
.
.
مسمار در صدر بتولی درده گتدی
دست خطا گون صورتینه پرده گتدی
بوغم غبار غم دل هر فرده گتدی
ریحانه دور پیغمبره زهرای اطهر
محبوبه دور یکتایه اول خاتون محشر
.
.
حقّین الیندن آلدی قومین اشقیاسی
پیغمبرین ختم اولمامیش تازه عزاسی
شام و سحر اوج ائتدی افلاکه نواسی
ریحانه دور پیغمبره زهرای اطهر
محبوبه دور یکتایه اول خاتون محشر
.
.
ثانی جفاسیندن خانم سولدی سارالدی
بسکه یتوب اندوه و غم صبری آزالدی
حقدن ئولوم ائتدی طلب آخرده آلدى
ریحانه دور پیغمبره زهرای اطهر
محبوبه دور یکتایه اول خاتون محشر
.
.
بسکه فشاره سالدیلار نادان جماعت
شیر خدایه ایلدی جداً وصیت
دفنینده حاضر اولماسین اشرار امت
ریحانه دور پیغمبره زهرای اطهر
محبوبه دور یکتایه اول خاتون محشر
.
.
دنیانی ترک ائتدی خانم با چشم گریان
شاد اولماسین بیردم گوروم بوچرخ دوران
افسوس اولوب قدری کیمی قبریده پنهان
ریحانه دور پیغمبره زهرای اطهر
محبوبه دور یکتایه اول خاتون محشر
.
.
شیر خدایه چوخ بویوک بیر غم یتشدی
زهرا غمینده عمروجه ماتم یتشدی
قورتاردی غمدن زادۀ ملجم یتشدی
ریحانه دور پیغمبره زهرای اطهر
محبوبه دور یکتایه اول خاتون محشر
.
.
زرین غم زهراده گل نی تک فغانه
ذکر مصائب ایله دلدن یانه یانه
اما دیمه دگدی بتوله تازیانه
ریحانه دور پیغمبره زهرای اطهر
محبوبه دور یکتایه اول خاتون محشر
.
.
قنفذ خانم زهرانین آرامین آلوبدور
ظلم و ستم له تیره توپراقه سالوبدور
هوشه گیدوب توپراقلار اوستونده قالوبدور
ریحانه دور پیغمبره زهرای اطهر
محبوبه دور یکتایه اول خاتون محشر
.
.
#فاطمیه_اسماعیل_زرین
#فاطمیه_شهادت
#زهرا_بو_گون_ترک_ائیلدی_دار_فنانی
#ترکی
.
✍️ #زبدةالاشعار ✍️
.
🆔: @nohe_torki
نظر دهید