بند دلیمی بنده چکیب زلف کمندین #مهدیه_هدایت_تبریزی

یا مهدی
پندیات
.
زبدة الاشعار
.
: @nohe_torki
.
هدایتی تبریزی
.
بند دلیمی بنده چکیب زلف کمندین
بندینده خوشام محکم ایله بندینی بندین
.
قلبیم چابالیر سینه ده عشق آتشی ایچره
مجمرده یانیر فکر ایله کی تخمی سپندین
.
بختیم منه یار اولمادی ، ال چاتمادی یاره
عشقین دوشونه بیلمه میشم رسم و روندین
.
چرخ فلکین فتنه سی قویدی منی حیران
گوگلی نجه ایستیر سوروری ایله سمندین
.
گویلوم آیق اول دام بلا چوخدی یول اوسته
گوشواره ایله گوشیوه ناصح بابا پندین
.
اندازه وی بیل ، یورقانوین قدری قچین آچ
گیت ، تخت بلند ایستمه ، یوخ بخت بلندین
.
بیر گون سنه خوش ، بیر گونی ناخوشدی بو دوران
حاشا کی اولا گردش گردونه پسندین
.
زهر اوستونه زهرین توکوری ، قاره گون ایلیر
قندین ده توکور اوستونه خرواریله قندین
.
یار آیریلقی چوخ آجی دور زهردن امّا
من چکمیشم ، انصاف ایله سورما چه و چندین
.
واردور گله جانانه «هدایت» جانا گلمیش
ایکاش ایشیدیدی گله سین بو گله مندین
.
.
#مهدیه_پندیات
#بند_دلیمی_بنده_چکیب_زلف_کمندین
#هدایت_تبریزی
#ترکی
.
#زبدةالاشعار
.
: @nohe_torki