رجز کفن پوشان در روز عاشورا
آغ کوینک لر رجزی …
.
.
.
شاعر ؟؟؟
.
.
ای آغ کفن گینلر طوفاندی کربلاده
اوز قانینه حسینوز غلطاندی کربلاده
.
بیردن هوا قرالدی وحشتلی یئل اسدی
قتل الحسین صداسی قوزاندی کربلاده
.
گون باتدی اندی ظلمت آی گورسنوب جداده
آی یوخ یارالی باش دور تاباندی کربلاده
.
اون یدی یاره وار دور باشدا جدا باشیندا
القانیله محاسن الوندی کربلاده
.
اوغلی اولن خانمدور دور ایلیور جدانی
باشینه قانلو باشون تولاندی کربلاده
.
گلسون دیون پیمبر قیلسون نماز میت
یرده قالوب جنازه عریاندی کربلاده
.
گودالیدن چیخاندا آغلاردی شمر کافر
خنجر حسین قانیلان الواندی کربلاده
.
الان یانور چادرلار توسدی هوایه قالخار
قاشدی سوسوز اوشاقلار ویراندی کربلاده
.
بیر خیردا قیز قالوبدور آتلار ایاقی آلتدا
تپراقیله وجودی یکساندی کربلاده
.
سسلر خانم سکینه بس هارداسان عمو جان
جانیم او سر و قده قورباندی کربلاده
.
سندن داخی عمو جان سو ایستمور سکینه
گل گور بو داغلی سینم داغلاندی کربلاده
.
یاندیم هایاندا سان بس ای عالمون امیدی
چارم یولی کسیلدی باغلاندی کربلاده
.
دال دالی گیتدی زینب وردی اوزون شراره
بیر یا علی صداسی قوزاندی کربلاده
.
اوت ایلدی احاطه چخدی گینه الودان
ناخوش بالام خدایا اوتلاندی کربلاده
.
#ورود_محرم
#عاشورا #حسینیه #کرب_و_بلا_چولونده …
#قمه_زنی
#ای_آغ_کفن_گینلر_طوفاندی_کربلاده
#لاادری
#ترکی
#زبدةالاشعار
نظر دهید