زبانحال امام حسین (ع) در بالین حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
مرحوم ذهنی زاده
.
بنزر بدنون بیر گل خندانه ابوالفضل
پرپر داغیلوب صحن گلستانه ابوالفضل
.
.
بو دوغرانان اعضا که حسین روحیدی قارداش
سن قارداشیمون پیکر مجروحیدی قارداش
.
.
چوخلار بویانوب قانه بو صحرای بلاده
چوخلار سرو جان ترک ائلیوب کوی وفاده
چوخلار کسوب اور نفسینی قربان بو مناده
اما اولارین هیچ بیری اولماز سنه مانند
هانسیندا بو سانسیز یارا وار یاریه پیوند
.
.
من شوقیله قربان ره دین خدایم
سیزده منه قربان سوز اوزوزدنده رضایم
اما من اوزوم سن کیمی قربانه فدایم
سن باخما باخشدا منه قربان سن ابوالفضل
جانانه قسم پیکریمه جان سن ابوالفضل
.
.
گلزاریمه بیر باد مخالف اسن اولدی
پژمرده گل سوری و یاس سمن اولدی
گل سینه سی بلبل یری جای زغن اولدی
گل شاخه لرین زاغ و زغن ایتدی شکسته
هر بیر گله مین زاغیدی بیر بلبل خسته
.
.
چوخ گلشنی پامال ایدوب آفات خزانی
چوخ غنچه نی پژمرده قیلوب غنچه زمانی
چوخ گل لر ئولوب قالمیوب آثار نشانی
اما هانی بیر گلشنی بو گلشنه بیتسون
گل فصلی بهارینده خزان دِیَه گیتسون
.
.
#عباسیه_ذهنی_زاده
#عباسیه_شهادت
#بنزر_بدنون_بیر_گل_خندانه_ابوالفضل
#ترکی
.
✍️ #زبدةالاشعار ✍️
.
🆔: @nohe_torki
نظر دهید