زبدةالاشعار

بنی آدم گرک درس شرف قرآندان اورگنسین #ورود_محرم_محمدی_ناعم

ماه محرم – بزم عزا
گریز به شهادت حضرت ابوالفضل(ع)
.
✍️ #زبدةالاشعار ✍️
.
🆔: @nohe_torki
.
محمدی ناعم
.
بنی آدم گرک درس شرف قرآندان اورگنسین
سعادت یوللارین مرقومۀ سبحاندان اورگنسین
.
کیم ایستور هم بو دنیا هم اودنیا سرفراز اولسون
گرک ایمان یولون بو مکتب ایماندان اورگنسین
.
رضای حضرت حقّی نظرده ساخلاسون هر دم
طریق عشقی اون دورت نیّر تاباندان اورگنسین
.
اوتورسا تخت قدرتده بوتون مظلومه یار اولسون
خضوعیله خشوعی یوسف کنعاندان اورگنسین

امانتده خیانت ائتمسون اولسا اگر مسئوول
بو سرّی آیۀ قرآندا کی برهاندان اورگنسین
.
کسیلسه باشیده حتّی فقط دم حقّیدن ویرسون
شجاعت درسینی قانه باتان سلطاندان اورگنسین
.
حسینه هر نفسده اقتدا ائتسون حیاتینده
رموز معنویّت خسرو خوباندان اورگنسین
.
شرافت ملکیدور ایران مرید شاه عطشاندی
گرک حرّیّتی دنیا بیزیم ساماندان اورگنسین
.
بورا مهد شرفدی ، مرکز ایثار و غیرتدی
هامی دنیا گرکدور غیرتی ایراندان اورگنسین
.
گورون ایرانّیلار تک، کیمدی عاشق آل طاهایه
مسلمانلار طریق معرفت سلماندان اورگنسین
.
.
بلی ایراندا لطف حضرت خلّاق عالم وار
عزا ایامی کوی و برزنینده قاره پرچم وار
.
.
الا اهل وفا بزم وفا تعطیل اولار؟ اولماز
یاغا گویدن بلا بزم عزا تعطیل اولار؟ اولماز
.
حسینچی نیلیور باغ بهشت و حور و غلمانی
بیزه هیئتدی گلزار صفا تعطیل اولار؟ اولماز
.
ییغیشسا بیر یئره اهل ولا مأیوس اولار دشمن
دیون سیز مجمع اهل ولا تعطیل اولار؟ اولماز
.
حرم عشقیله بو دللرده چوخ آه و نوا واردی
عزیزان، اربعین، کرب و بلا تعطیل اولار؟ اولماز
.
اگر یول باغلیدور یرده اوچار دل آسمانلاردان
مین ایل باغلانسا یوللار بو نوا تعطیل اولار؟ اولماز
.
پر آچسون مرغ روحون قوی اوزاقدان مرقد یاره
طواف تربت خون خدا تعطیل اولار؟ اولماز
.
الون قوی سینیه بیردان دئنن مظلوم آقا لبیک
گوررسن اوندا درگاه عطا تعطیل الار؟ اولماز
.
علینون اوغلیدور شاه شهیدان بار عام ایلر
گدایه رأفت میرهدی تعطیل اولار؟ اولماز
.
حسینون درگهی بازار عشق و معنویتدی
مگر بازاریده بیع و شری تعطیل اولار؟اولماز
.
الا ای حسرت کرب وبلا چوخدا ملول اولما
باخورسان دیده گریان یوللارا، تعطیل اولار؟اولماز
.
.
الون قوی سینیه بوردان حریم عشقه زوّار اول
ائله آزاده لیک پیشه اسیر زلف دلدار اول
.
.
گینه سوز کربلادن دوشدی دللر بیقرار اولدی
گینه بو غملی سینه یاندی غمدن پر شرار اولدی
.
نه وار دور کربلا آدینده بیلمم ایها العشّاق
ائشیتدی کیم بو آدی گاه مست و گه خمار اولدی
.
اسنده یئل دولور عطری سراسر سطح دنیایه
گورورسن اوندا یاس و یاسمنلر شرمسار اولدی
.
اسنده قرمیزی پرچم، طلایی گنبد اوستونده
گوررسن اوندا آثار صلابت آشکار اولدی
.
او پرچمدندی اسلامون اولوبدور آدی پاینده
او پرچمدندی که دین و دیانت پایدار اولدی
.
همان پرچمدی که عباس ویردی القمون اوسته
او پرچمدن ولایت گلشنی دائم بهار اولدی
.
او پرچم تا اباالفضلین الیندیدی او صحراده
رقیّه هر باخاندا شوقیلن، امّیدوار اولدی
.
همان پرچمدی که زینب آپاردی کوفه و شامه
او پرچمدن بنای زهد و غیرت استوار اولدی
.
او پرچم تا یخیلدی تپراقا، دللر دولوب غملن
حسینون خیمه امیدی بیردن تارومار اولدی
.
او پرچم ساخلیان قوللار، بدندن آیریلان ساعت
او حاله نوحه گر مخیمده خردیلن کبار اولدی
.
.
قلم شوره گلوبدور شعر جانسوز بکا یازسون
به عشق ساقی عطشان، به عشق کربلا یازسون
.
.
غرض پرچم دوتان اللر بدندن ناگهان دوشدی
دگوبدور ساق گوزوندن اوخ، قوادن قهرمان دوشدی
.
هله مَشکی دیشیندیدی باشیندا خیمه لر شوری
دگوب اوخ مشکینه ناگه، نفسدن پهلوان دوشدی
.
او اثناده گلوب نوفل، آغیر آهن عمود الده
کانّه خط سیریندن، زمین دوشدی زمان دوشدی
.
شرفلی باش یارانلاردان بو سوزده اعتذاریم وار
دیه بیلسم گوررسوز مجلسه شور و فغان دوشدی
.
عمود آهن اَنیب باش کاسه سی سیندی صدف مثلی
یوز اوسته مرکبیندن ساقی لب تشنگان دوشدی
.
آییردی بیر بیریندن حضرتین پیوندی قاشلارین
آخیب قان، پرده چکدی جلوه دن مهر عیان دوشدی
.
گوزی گورمزدی اما هر طرفدن سس اوجالمیشدی
گل آغوشیمه عبّاسیم اوره ک درده اینان دوشدی
.
منم قدّی کمان زهرا، اوتانما گل قوجاقیمه
منیم ای وای سسیمدن لرزیه هفت آسمان دوشدی
.
عمود آهنین گر، یاندیریب دیلدن سنی سالدی
منی مسمار در یاندیردی، درده انس و جان دوشدی
.
گوزوندن گر سنون اوخ اوپدی، الوان اولدی قانیله
منه ثانی ویروب سیلی، گوزومه لکه قان دوشدی
.
قوتار “ناعم” بو سوزدن سینۀ اهل ولا یاندی
اوخوندی بزم ماتمده جوان یاندی قوجا یاندی
.
.
#ورود_محرم #محمدی_ناعم
#عباسیه_عباسیه_شهادت
#بنی_آدم_گرک_درس_شرف_قرآندان_اورگنسین
#ترکی
.
✍️ #زبدةالاشعار ✍️
.
🆔: @nohe_torki
.

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...