حالات حضرت علی اصغر (ع)
.
.
#سبک_آچیلدی_پرچم (10 سبک)
مشابه
.
.
مرحوم ذاکر اردبیلی
.
.
گل ای عطشدن، یانان دوداقی
ستم اوخیلان، ئولن بالام وای
ایچن قزل قان، سوسوز وئرن جان
ئولوم سراغی، گلن بالام وای
.
.
.
سولان سوسوزدان او لاله رنگی
گئجه به گوندوز گلن فغانه
گوروم دونیدی بلالی چولده
سن اوخلاناندا فراتی قانه
آناوی قویدون الى اورکده
خراب اولیدی بئله زمانه
گل ای عطشدن، یانان دوداقی
ستم اوخیلان، ئولن بالام وای
.
.
.
کسن امیدین ستمله دشمن
آلان الیندن عزیز بالاسین
ائدن بوغازین اوخا نشانه
قویان اوغولسوز غریب آناسین
آنا ائشیتسه دوام ائدنمز
عزیز بالانون بو ماجراسین
گل ای عطشدن، یانان دوداقی
ستم اوخیلان، ئولن بالام وای
.
.
.
اوغول یاناندا من اولمادیم حیف
شریک اولیدیم غمه یانیدیم
سینه م وئریدیم اوخون دَمینه
سن اوخلانینجان من اوخلانیدیم
گلوب گوریدیم او قانلی نعشون
یانوب اورکدن آلولانیدیم
گل ای عطشدن، یانان دوداقی
ستم اوخیلان، ئولن بالام وای
.
.
.
بو ایستی گونده یاناردی قلبون
بشیکده قوش تک قناد چالاردون
گه آه چکردون گه آغلیاردون
گهی باخاردون گهی قالاردون
هر آغلیاندا هر آه چکنده
یانان جانیما بیر اود سالاردون
گل ای عطشدن، یانان دوداقی
ستم اوخیلان، ئولن بالام وای
.
.
.
خیال ائدردوم بالام سوسوزدور
اگرچه دشمن خدایه باخماز
ترحم ائتسه سو وئرسه جرعه
گلر سلامت ائویمی یخماز
او تشنه لوق که سنون واریدی
گورن دییردی صباحه چیخماز
گل ای عطشدن، یانان دوداقی
ستم اوخیلان، ئولن بالام وای
.
.
.
سنی گئدنده صحیح و سالم
اوزوم گتیردوم یولا سالاندا
یوزوندن اؤپدوم گوزوندن اؤپدوم
بالا قوجاقه سنی بس آلاندا
تعجبم بس هایاندا قالدون
سنه نه گلدی بو آز زماندا
گل ای عطشدن، یانان دوداقی
ستم اوخیلان، ئولن بالام وای
.
.
.
بو آرزونی ائدوب دیردیم
نولیدی اصغر دیله گلیدی
ائدیدی شیرین دیلیله صحبت
منیله بیرجه دیوب گولیدی
ئولوم سراغون بالا گلینجه
قاباقجا ای کاش آنون ئولیدی
ایچن قزل قان وئرن سوسوز جان
ئولوم سراغی گلن بالام وای
گل ای عطشدن، یانان دوداقی
ستم اوخیلان، ئولن بالام وای
.
.
#اصغریه #ذاکر_اردبیلی #اصغریه_شهادت #ترکی #زبدةالاشعار
نظر دهید