در شهادت پیامبر (ص) و امام حسن (ع)
.
✍️ زبدة الاشعار ✍️
.
🆔: @nohe_torki
.
علی شهودی
.
بوکدولر چون کفنه مهر درخشانی بو گون
گرد ماتم بورودی گنبد مینانی بو گون
.
.
طایر روح رسول حق آچیب شهپرینی
زمزم اشگده مستغرق ائدیب کوثرینی
ایلییب شیر خدا غسل و کفن پیکرینی
تاپشیریب تو پراغا اول سیدبطحانی بوگون
.
.
یئری واردیر گله فریاده اویس قره نی
مهربان گوزلرینی یومدو رسول مدنی
قویدو آغلار غم هجرینده حسین و حسنی
غرق اندوه فراق ایلدی زهرانی بو گون
.
.
بیر وجودی کی اولوب منبع جود و برکات
وئریب انفاسی اونون عالم اسلامه حیات
طول عمرونده سووبدور متعدد غزوات
یاندیریب داغ غمی قلب احبانی بو گون
.
.
بیر امینی کی اولوب خادیمی جبریل امین
پاک ،توصیف ائلییب خولقینی قرآن مبین
ملک الموت آلیب رخصت اوسون وقته یقین
قبض روح ایلییب اول روح مصفانی بو گون
.
.
واپسین لحظه لریندئیدی او روح ایثار
رهسپار اولدو بقیعه طرف اول بحر ویقار
ایلدی اهل قبوره طلب استغفار
گوردولر اهل یقین محشر کبرانی بو گون
.
.
او ائده ن محفل عشاقی کلامی شیرین
ایله ییب خدمته احضار ویلایت شیرین
تاپشیرارکن اونامهر و زره و شمشیرین
دیزی اوسته باشی ترک ایلدی دونیانی بو گون
.
.
قدسیان عالم بالاده قیام ایله دیلر
علت خلقت افلاکه سلام ایله دیلر
نافه ی خلدیله خوشبوی مشام ایله دیلر
اوپدولر حلقه کیمی خاتم دورانی بوگون
.
.
بیلمیره م سری ندیر سلسله ی احراری
توش ائدیر تیر غم و محنته گردون باری
کیمدی یارب بو، اونون واقعه ی خونباری
مات و مبهوت ائلییب طشتده یحیانی بوگون
.
.
بو همان باغ جنانین گل خوش طینتی دور
صدف صبر و صفانین در پر قیمتی دور
سرور اهل ولا دوش نبی زینتی دور
کی سالیریاده غمی محنت عظمانی بوگون
.
.
بیر امامی کی اونون عاشیقی پیغمبر اولا
اونا تعلیم وئره ن شیر خدا حیدر اولا
آناسی دخت نبی فاطمه ی اطهر اولا
نه روادیر سارالا صورت تابانی بوگون
.
.
ای رسول مدنی سن کی سئوردین حسنی
تاپشیراردون اونو مخلوقه دییردون علنی
کیم اونی ائتسه اذیت ائدیر آزار منی
موبمو ائتدیلر اجرا او وصایا نی بو گون
.
.
راضی اولمازدین اونون قلبینی آلام آلا
بیر دقیقه باشینا بوم ستم سایه سالا
ایندی اول در گرانمایه قالیب گور نه حالا
تیتره دیرناله لری عرش معلانی بو گون
.
.
شعله ور اولدو اوره گلرده اولان آتش کین
کعبه فریاده گلیب تیتره دی ارکان زمین
تیر باران ایلیین وقته عدو تابوتین
ائتدیلر غرق عزا عترت طاهانی بو گون
.
.
شرف و مجد و سیادت اونا سن ائتدون عطا
ایلدی دامن پاکوندا سنون نشو و نما
حیف اولا بیلمه دیلر قدرینی بو قوم دغا
سوگوار ایله دیلر عالم امکانی بوگون
.
.
آنا یا فاطمه گل داده یامان گونلری دی
مجتبی اوغلوون اکبادی یانان گونلری دی
زینبین ناله سی عرشه اوجالان گونلری دی
سسلییر قارداشیم ای وای او وفا کانی بوگون
.
.
.
#سبک_یارالی_جان_یارالی و … 4 سبک
.
.
.
#پیامبراسلام_شهادت
#حسنیه_شهادت
#بوکدولر_چون_کفنه_مهر_درخشانی_بو_گون
#علی_شهودی
#ترکی
.
✍️ #زبدةالاشعار ✍️
.
🆔: @nohe_torki
نظر دهید