زبدةالاشعار

بوکدی بلیمی صوت ندا دادیوه گلدیم #عباسیه_مبکی_تبریزی

زبانحال امام (ع) در بالین حضرت ابوالفضل العباس ( س)
.
.
مرحوم حاج محمد شیخ زادگان (مبکی تبریزی)
.
.
بوکدی بلیمی صوت ندا دادیوه گلدیم
مشکلده سن عباس دو فریادیوه گلدیم
دشمن لریون قلبینه غم تیری ساچلسون
سس ویرسیمه قانه دونن گویلوم آچلسون
.
.
باش اگمدی بو فرقۀ کین پروره باشون
قربان کسلین تشنه حق داوره باشون
آچ گوزلریوی دوشموب هله اللره باشون
غم باشدان آشوب گوندوزوم اولموش گجه قارداش
گلدیم باشون اوسته بولور الله نجه قارداش
.
.
ترک خیم ایتدیم بالالاردوره می آلدی
چوکدوم یره حالیم پوزولوب نالم اوجالدی
گلموردی دیزیم گلماقا زینب یولا سالدی
مندیردی وفا مرکبینه بیرباشا گلدیم
باش چکماقا سن تک یارالی قارداشا گلدیم
.
.
قانیله مُخضّب بورخ انوره صد حیف
رعنا قد صد پاره بو گل پیکره صد حیف
بیرمشک سو اوسته کسیلن اللره صد حیف
یاندون سنی عاجز کسلن پنجه لر ایتدی
دشمنلر اولوب شاد منی دیده ترایتدی
.
.
بحرغموه غرقیدی دین زورقی ایوای
سنسیز پوزولوب لشکریمون رونقی ایوای
قانه بویانوب یاتدی بو دین بیرقی ایوای
شام اهلی دچار ایتدی غم فرقته قارداش
حامل دگوسن بو عَلَم همّته قارداش
.
.
شوم اولدی سوسوز قیزلارا بی حد مماتون
ذلت توزی سنسیز یوزونه قوندی بناتون
محکم بیزه قلعه ایدی بو صحراده حیاتون
دشمن بِلی سندیرماقا قدرت سَنیلِیدی
آغلار قالان اطفاله تسلی منیلِیدی

متن پیشنهادی:  نه منصورم ویرام کوس اناالحق #جوادیه_محمدی_ناعم

جنگینده گوروب لشکرکین رنج واَلَم وار
سانسیز قوشونا بیم اَجَل نقش عَدَم وار
سندیردیلا طاق ظفرون شدّت غم وار
باسدون عَلَمی جانکیمی آغوشه یخلدون
گلزار وفادن گوتوروب توشه یخلدون
.
.
صدمه یتوشوب ظلمیله ارکان وجوده
یانّام باخارام بو ستم قوم عنوده
توش اولدی یارالی باشون آخرده عموده
بو نوعیله اوخلارکه ایدوب جسموی شان شان
نه چکموسن آتدان یخلاندا سنه قربان
.
.
غم باده سی نوفل ستمیندن ایچیلوبدی
شام اهلی شقاوتده عدودن سچیلوبدی
اولقدر ویروبلا یارا جسمون کیچیلوبدی
باش یارلی قولسوز یره آتدان یخولوبسان
زهرا آنام آغوشین آچوبدور سخولوبسان
.
.
بو خدمتون عالمده اولوب قابل تمجید
اجلال نزولوندا اولوب حاصل امید
حقون وار آنام گلماقنا اولمادی نومید
آچدی گوورَن قوللاری سینه سپر ایتدی
مشکلده قالان وقتیده دفع خطر ایتدی
.
.
نسگل اولا قویموب سنه نو باوۀ طاها
جان اوسته کسوب یانوی صدیقۀ کبرا
بو یارلی نعش اوسته آچوب باشنی زهرا
گوزیاشلی دیدی ای جگریم پاره سی عباس
سنسیز بو حسینون ندی بس چاره سی عباس
.
.
کوچدی گچن اوضاع عزیز عُمر او ساعت
هر بیر باخوشوندا بیزه ایلردون حمایت
یوز قانلی یوزونده منه بیر اوزگه قیامت
بر پادی دوشوب وحشته اهل حرم آغلار
( مبکی) توکر اشکین یوزه الده قلم آغلار
.
.
#عباسیه #مبکی_تبریزی #عباسیه_شهادت #ترکی #زبدةالاشعار

متن پیشنهادی:  ای حسین عاشقلری من کربلا زواریم #کربلا_شوری_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی