کوچ از کربلا
.
زبدة الاشعار
?: @nohe_torki
.
مرحوم معزی اردبیلی
.
بویور عمه بو یارالی یخیلوب ترابه کیمدی
نیه اوخلانوب وجودی سپه عذابه کیمدی
.
.
یارالی اگر بابامدی سوروشوم غم وبلاسین
قولومون آچون طنابین اَگیلوم ئوپوم یاراسین
دیوم اوخشاما سرشکین یوزه توکسون آل یاسین
باخورام بدنده گلمز یاراسی حسابه کیمدی
.
.
نیه کربلاده تیر غمه من نشانه اولدوم
قولی باغلانان اسیر ستم زمانه اولدوم
واریدی بابام همیشه اونا نازدانه اولدوم
منی دیندیرن دوشنده ئورگ اضطرابه کیمدی
.
.
توکورم نقدری گوزدن یوزه اشک تر دانیشمور
دیورم دانیش بابامسان ئورگیم اَسَر دانیشمور
دیورم حریم عصمت ایلیور سفر دانیشمور
بو یارالی گون تک عمه یتوب اغترابه کیمدی
.
.
بابام اولسا قلبیم اولماز بو زمانیده محن سیز
بو بابام دَگول بو ساعت ایدوز نوا ندن سیز
بابام اولسا گیتمیک بیز قالا قویمیاق کفن سیز
بو بلا چولنده یوخسا چالیشان ثوابه کیمدی
.
.
قورومشدی دیل دوداقلار ایله کی ویروبدیلر سو
سویی قویدولار قباقه آنالار یولوبدی گیسو
بالا وای دیَر همیشه مَلیَر آنام چو آهو
گوره کیم سئوال ایدر که بو آنام ربابه کیمدی
.
.
باخوسان ئوزون آلوبدی اَلَه قمچی هر سواره
باشیما ویرار یخللام دورا بیلمرم دوباره
من عزیزه بیر قیزیدوم نیه بختیم اولدی قاره
کمک ایلین بویور بس من دلکبابه کیمدی
.
#سبک_سو_یوخومدی_قزلاروندان (بیش از 5 سبک)
پخش‌کننده صوت
#کوچ_کربلا
#بویور_عمه_بو_یارالی_یخیلوب_ترابه_کیمدی
#معزی_اردبیلی
#ترکی
.
#زبدةالاشعار
?: @nohe_torki
: @nohe_torki . . مرحوم رجائی تبریزی . #سبک_زینبم_جان_اوستیم … 4 سبک مشابه . گل شتاب ائت ای عقاب ال تاپماسون اعدا منه ایندی یول گوزلور باجیم آغلوربیشتر
نظر دهید