خطاب به #زنجیر
شور زنجیر زنی
.
✍️ #زبدةالاشعار ✍️
.
🆔: @nohe_torki
.
حجازی
.
ندن گلدون بئله طغیانه زنجیر
وورولدون حجّت یزدانه زنجیر
.
نه انصاف ایلدون نه بیر مروّت
یتوردون ظلمیوی پایانه زنجیر
.
سنه آلِ پیمبر نیلمیشدی
قولون بوینون بویاتدون قانه زنجیر
.
نه ال چکدون اوشاقدان نه بُؤیوکدن
نه حرمت ساخلادون مهمانه زنجیر
.
نه یاندون حالینه ناخوش امامی
کسوب بوینون گتوردون جانه زنجیر
.
آخاردی بوینونون قانی دمادم
لباسی سرخ دور گور یا نه زنجیر
.
کفایت ایلموردی تازیانه
حریمِ سرورِ عطشانه زنجیر
.
نه لیلانون دئدون اوغلی ئولوبدی
غمِ اکبر ائدوب دیوانه زنجیر
.
ربابه بس دگولدی ئولدی اصغر
نشانه زهریلی پیکانه زنجیر
.
خجالت چکمدون تازه گلیندن
که باتومشدی قولاقی قانه زنجیر
.
مگر بولموردون عبّاسِ علمدار
سوسوز قولسوز دوشوب میدانه زنجیر
.
ائدیدون بی حیا زهرا قزیندان
قوییدون بیرجه ظلمون یانه زنجیر
.
بسیدی یدّی قارداش ایکی اوغلی
وئروب بیر گونده جان جانانه زنجیر
.
ندن کلثومه قلبون یانمادی بس
که وئردون صبر ائوین تالانه زنجیر
.
او قدری اُلفت ائتدون ناتوانه
که چکدون کوفه ده زندانه زنجیر
.
الوندن ائتسه آل الله یری وار
شکایت درگهِ یزدانه زنجیر
.
پیمبر اوغلونا ائتدون عداوت
عنایت فرقۀ عدوانه زنجیر
.
یزیدین مجلسینده دیلَّنِیدون
دییِیدون زادۀ سفیانه زنجیر
.
شراب ایچمه امامون محضرینده
آقاج ویرما لب و دندانه زنجیر
.
ندن ناله سنه ائتمزدی تأثیر
چکوب سس گلمدون افغانه زنجیر
.
رقیّه حالینه باری یانِیدون
بسیدی محنت ویرانه زنجیر
.
نه جرأت لَه مگر ویرانه لرده
گئنه ال چکمدون خصمانه زنجیر
.
بیر عمر آخر انیس و مونس اولدون
عیالِ شاهِ مظلومانه زنجیر
.
بو ظلمی ائتمه میش آلِ رسوله
اولِیدون کاش دانه دانه زنجیر
.
«حجازی» شعلۀ آهون آلیشدور
دوتوت اود حلقه حلقه یانه زنجیر
ـــــــــــ
متن دیگر «خطاب به زنجیر» از استاد مرحوم #سعدی_زمان
#ای_کائناتی_آغلادان_دنیاده_زنجیر
.
.
#سبک_کجایید_ای_شهیدان
#سبک_جوشی_زنجیر
.
.
#کوچ_کربلا #راه_شام
#سجادیه_شهادت
#مجلس_یزید #خرابه_شام
#ندن_گلدون_بئله_طغیانه_زنجیر
#حجازی_تبریزی #ترکی
.
✍️ #زبدةالاشعار ✍️
.
🆔: @nohe_torki
نظر دهید