اربعین
.
.
#سبک ها ( 7 سبک)
1- #سبک_الهی_دفن_ایدیم_نجه
واگیر برای این سبک :
(یارالی قارداش ، حسینیم ایوای
وفالی قارداش ، حسینیم ایوای) و …
.
2- #سبک_دل_شب_ایلیوب_سفر (4 سبک سینه و زنجیر)
.
3- #سبک_تا_مشکتو_تو_آب_زدی
#سبک_حسین_دوشوبدی_مقتله
واگیر برای این سبک از #شایان_ارومیه
(نه مدتدی حسرتم اخا کربلایه
فراقینده گلمیشم حسین جان نوایه
بو قزلارون قرخ گونی یانوبلار فراقه
سنون عشقونله دوزوبله هر بیر بلایه
یارالی حسینجان …)
.
4- #سبک_الهی_غملی_کوفه_نون
واگیر برای این سبک از #جائد_زنجانی :
یوزه اشک غم توکوب آغلارام
بو مُحَنده سینه می داغلارام
.
.
عندلیب تبریزی
.
.
بو آلتی گوشه قبریوین
اولوم فداسی یاحسین
حریم کعبه دن گوزل
دوشوب نماسی یاحسین
.
.
بیر آن سنون خیالیوی اینان باشیمدان آتمادیم
بلالی باشیمی حسین بیر آیری درده قاتمادیم
اویاق قالوب رقیه وی یاتیدمینجا یاتمادیم
روا دگول عهدیمون اولا خطاسی یاحسین
.
.
زمانه آیریلیق سالوب آنا بالا آراسینا
سینه ندن اصغری اویات ویراق رباب آناسینا
توکه سرشکی آلینی،بوغازدا اوخ یاراسینا
دوروب کناریدان باخور ،رباب آناسی یاحسین
.
.
سینیق کجاوه لرده من داغی داشی دولانمیشام
دوشنده باشیم اوسته گون،گون ایسی سینده یانمیشام
سالاندا سایه سین باشون جداده،دالدالانمیشام
اولوب اوسایه باشیمون غم آشناسی یا حسین
.
.
وفا یولوندان اشقیا عجب کناره چیخدیلار
آنام بتولی قلبینی سالوب فشاره سیخدیلار
وورا وورا اوشاقلارین چوخون یول اوسته ییخدیلار
اولنلرین کجاوده دوتولدی یاسی یا حسین
.
.
دولی بلوط کیمی گوزوم دیمه غمینده دولمادی
جهاندا آیریلیق گولی هزار حیف سولمادی
قوشا گلاخ زیارته بالان یانیمدا اولمادی
نقدریمیش زمانه نین منه جفاسی یاحسین
.
.
بالاوی دفن ایدن گجه اورک غمیله داغلادیم
یتیم اولان گجه م کیمی ،دیزیمی من قوجاقلادیم
سحر اولونجا قازدیقیم مزارین اوپدوم آغلادیم
گوزوم یاشیلا سونمدی اورک نواسی یاحسین
.
.
یازی یازان یازیب بیله یازیمدا،نسگل آغلیام
اودور بو باره دن ویریب منه یانان دل آغلیام
سنه بیر اربعین ندور،سزادی قیرخ ایل آغلیام
ولی چتین بو عمرومون اولاوفاسی یا حسین
.
.
صاقا صولا باخا باخا اوزومی من یتیرمیشم
ایتیک دالینجا گوز گزر،بوکلمه دوزدی بیلمیشم
گیدن زمان بو چولده من ایکی بالا ایتیرمیشم
دولانمامیش بو دشتی من،قالوب هاراسی یا حسین؟
.
.
.
#اربعین
#بو_آلتی_گوشه_قبریوین
#عندلیب_تبریزی
#ترکی
#زبدةالاشعار
نظر دهید