کوچ از قتلگاه
.
زبدة الاشعار
?: @nohe_torki
.
مرحوم حسینی سعدی زمان
.
بو جسم قالب بی روحه جان ویرور یارالی
مشام جانه شمیمی روان ویرور یارالی
.
غریبه گُللر آچوبدور بو پاره پاره بدن
نشانه هر بیری بیر گلستان ویرور یارالی
.
نه گلستاندی که گُللر ورق ورق داغیلوب
بهاری نکهت فصل خزان ویرور یارالی
.
عبیر و عطر ایله دولدوروب بلا چولینی
که کربلا چولی عطر جنان ویرور یارالی
.
جهان جهان اولالی گورمیوب بیله گلشن
صفا گوگللره تا وار جهان ویرور یارالی
.
اولار لیاقتیجه باغبانی هر باغین
قضا بو باغه منی باغبان ویرور یارالی
.
هاچان منیم کیمی بیر باغبان ، سنون کیمی گل
نشان بو گردش دور زمان ویرور یارالی
.
چوخ امتحان ویرن عاشق بو روزگاره گلوب
ولی سنون کیمی کیم امتحان ویرور یارالی
.
نه بی مروّتیمیش باشیوی کسن جلّاد
هنوز خنجرینین زخمی قان ویرور یارالی
.
بو جسم عوره یانوم یا بو نحر منحوره
داش اولسا دل ، بونا آیا توان ویرور یارالی
.
آتام فدا اولا بیر جسمه بنزوری فلکه
گویون ستاره لرین یرده سان ویرور یارالی
.
سویولماسیدیم اگر جسمون عور قویمازدیم
مگر لباسیمی بیرده آلان ویرور یارالی
.
گمانی ساتره گلمور باجون خجالتدور
اودور سنه ساچینی سایبان ویرور یارالی
.
کمکلریم قیریلوب یوخدی سس ویرن سسیمه
مگر صدا منه کعب سنان ویرور یارالی
.
نه دیز گَلور دولانوم قیزلارون یغوم چولدن
نه شمر شوم و ستمگر امان ویرور یارالی
.
اوزوم بیان ایدوم احوالیمی دیلیم دوتمور
#حسینی خامه سی شرح و بیان ویرور یارالی
.
توجّه ائت اونی ساخلا اؤزون امانونده
همیشه نوکره آقا امان ویرور یارالی
.
#کوچ_کربلا
#قتلگاه
#سعدی_زمان
#بو_جسم_قالب_بی_روحه_جان_ویرور_یارالی
#لمعات_حسینی ص 304
#ترکی
.
#زبدةالاشعار
?: @nohe_torki
: @nohe_torki . مرحوم میرزا محمد تقی قمری . ساقى اماندی ویر منه بیر جام خوشگوار گچدى زمان دى یتشوب فصل نوبهار . بیر لحظه شاد قیل غم اندوهیدن منى جام صبوح ویر که اولام بلکه هوشیار بیشتر
نظر دهید