عبرتنامه و ولادت امام موسی ابن جعفر (ع)
.
✍️ #زبدةالاشعار ✍️
.
🆔: @nohe_torki
.
کربلایی رحیم شایان
.
بو جهان زندان دور تا زنده یوخ زندانیوخ
هر نه اولساخ عاقبت فانی جهاندا فانیوخ
گر بهشت اولسا بو عالم بش گونون مهمانیوخ
بیله توصیف ایلییب دنیانی میر مومنان
مومنه محبسدی عالم کافره باغ جنان
.
.
ای بشر دنیا بوتون بازیچه دی افسانه دی
هیچ بیلیرسن آفرینش دن هدف ایا نه دی؟
عالمین سرتاسری انسانه عبرتخانه دی
خوش عمل باقی قویاخ لازمدی بو دنیاده بیز
اولمویاخ تا دست خالی عالم عقباده بیز
.
.
سعی ایداخ آشفته بازار جهاندا ایتمیاخ
محرماتی ترک ائداخ واجبلری ترک ائتمیاخ
بیز گرک قران دین یولدان کناره گیتمیاخ
چارده معصوم و قران چون هدی انواریدور
اهل بیتین سوزلریندن روح یزدان جاریدور
.
.
اولیا گویلرده کی اقمار و اخترلردیلر
رهنمای کل عالم تک او سرورلردیلر
جن و انسانه او اقدسلر هدایتگردیلر
نور معصومین دور که کل عالمده یانور
بعضی حیوان بعضی انساندان امامون خوش تانور
.
.
ای دل ای دل باشلا انهار محبتدن دانیش
غرق فیض اول عشقیلن دریای رحمتدن دانیش
یتدیمینجی اختر برج ولایتدن دانیش
باشلا سرفصل کلامی جان دلبردن دانیش
شوق و شوریلن بوگون موسی بن جعفردن دانیش
.
.
شهر یثرب نور باران اولدی بو مولودیلن
جلوه جان آفرین و طالع مسعودیلن
حضرت صادق مناجات ایلری معبودیلن
سجده شکر ایلییر بو نعمت بی حدینه
گوندریر صلوات او حضرت هم آنا هم جدینه
.
.
حضرت صادق ائوینده جشن و شوق و شوریدی
موسی کاظم قدومیندن جهان پر نوریدی
جنت الاعلاده شادان جن و انس و حوریدی
جانشین دین گلوبدی چشم دشمن کور اولوب
موسی کاظم گلوبدی شیعه لر مسرور اولوب
.
.
مرحبا بو تازه مولود مبارک مقدمه
فخر ائدر زهرا خانم جنتده بانو مریمه
ششمین عیساسی گلدی شوکتیلن عالمه
دین و قرآنی ائدن دنیاده پاینده بودور
هر دمی مین لر مسیحانی ائدن زنده بودور
.
.
#کاظمیه_شایان_ارومیه
#کاظمیه_میلادیه
#پندیات
#بو_جهان_زندان_دور_تا_زنده_یوخ_زندانیوخ
#ترکی
.
✍️ #زبدةالاشعار ✍️
.
🆔: @nohe_torki
نظر دهید