زبدةالاشعار

بو حسین کیمدی سالوب رعشه دل کفاره #خروج_مدینه_آسال_اردبیلی

خروج از مدینه
#حسین_کیمدی
.
.
.
.
#آسال_اردبیلی
.
بو حسین کیمدی سالوب رعشه دل کفاره
بو حسین کیمدی ویروب تو دهنی اشراره
بو حسین کیمدی وروب درس وفا احراره
بو حسین زینت آغوش خانم زهرادی
بو حسین پادشه لشکر عاشورادی
.
.
بو حسین کیمدی شرف زورقینه لنگردی
بو حسین کیمدی رسولان حقه سروردی
بو حسین کیمدی وفاپیشه لره رهبردی
بو حسین باعث اولوب بیرق ایمان اوجالا
اکبرین ویردی کی اکبر آدی پاینده قالا
.
.
بو حسین کیمدی اولوب دین نبی نخلینه بر
بو حسین کیمدی اولوب شهر عبودیته در
بو حسین کیمدی سوزون آنلامادی ملت شر
بو حسین قانی ،بیلور خلق کی ثارالله دی
رد ایده کیم آقامون منزلتین ابله دی
.
.
بو حسین کیمدی اونون مدحینه عاجزدی قلم
بو حسین کیمدی ویروب سینۀ عشاقه علم
مال دنیایه چکوب قانیله بیر نقش عدم
پسر باشرف فاتح خیبردی حسین
نقدر واردی جهان دللره ازبردی حسین
.
.
بو حسینی کی شجاعتده نظیری یوخودی
شهر یثربده نچه خطبۀ گیرا اوخودی
کی اونون هر بیری اعدا اورگینده اوخودی
خطبه ایراد ایلیوب عالمی حیران ایله دی
قصر خضرانی حسین سوزلری لرزان ایله دی
.
.
دیدی اسلامه اولوب آل عبا پیرایه
اهلبیت نبویدور احده سرمایه
عرشیدن فرشه گلوب شانیمیزه چوخ آیه
تاج و تخته گوره چوخلاری دانار یزدانی
مال دنیایه گوره رد ایلیر قرآنی
.
.
ایهاالناس بیلون، دینون ایوی اطهردی
بو ایوین رهبری تک ، عترت پیغمبردی
بیز اولان یرده حکومت ایده کیم کافردی
ای جماعت آج ئولون مال حرامی یمیون
حق مظلومی یین ظالمه مولا دیمیون
.
.
رهبری کی ایچه می سب ایلیه قرآنی
اغنیایه فقرانی ایلیه قربانی
گووره بیر ایش کی تحیرده قویا شیطانی
او همان رهبری من فاسد دوران تانورام
طلقا زاده نی من دشمن قرآن تانورام
.
.
رهبری کی ضعفا دردینه دل داغلامیا
فقرا محنتینی درک ایده قان آغلامیا
چیگنی اوسته گجه لر نان و غذا پایلامیا
بیر بله رهبری دنیاده گوروم کور اولسون
روز محشرده او نمرودیله محشور اولسون
.
.
او یزیدی کی ایدوب تخت طلا اوسته مقام
اونا تعظیم ایلیور خادم و فراش و غلام
اونی رهبر تانیوبدور بشره ملت شام
خطبۀ زینب اونون عزتینی سیندراجاق
پرچم دینی باجیم کاخ یزیده ویراجاق
.
.
من حسینم نوۀ حضرت طاهای رسول
بابام حیدر دی آنام فاطمه زهرای بتول
پنج تن آدی دی رضوانه بیلون رمز دخول
کیم جهالتله منیم نهضتیمی دانمالیدی
روز محشرده بیلون جهل اوتونا یانمالیدی
.
.
منی رهبر ایلیوبدور سیزه منان تعیین
تا ایکی عالم اولام من بشره یار و معین
تا کی یاندیرمیا اوت ملت دانا بدنین
کیم منه یاور اولا وادی رحمتده یاشار
دشمنیم هر ایکی عالمده ذلالتده یاشار
.
.
عطر ریحان کیمی شه سوزلری منشور اولدی
جو یثرب او همان عطریله معطور اولدی
احمدی درک ایدنون اکثری مسرور اولدی
دیدیلر بیر سوز همان سوز گرک اظهار اولسون
گرک حیدر بالاسی حقه طرفدار اولسون
.
.
شامه بیر نامه یازوب حاکم یثرب آنی
طلقازادۀ دون درک ایده تا جریانی
نامه شاماته چاتوب آگه ایدوب سلطانی
شاه شامات بیلوب بوندا فقط درمانی
کی حسین بن علی ترک ایلسون بطحانی
.
.
تا امیر شهدا واقف اسرار اولدی
نصف شب یثربی ترک ایتمگه وادار اولدی
غرق آلام و بلا یکسره احرار اولدی
چوخ آز عده شه دورانه حمایت ایله دی
ساجد ظاهری لر قصد ریاضت ایله دی
.
.
هدفین زینبه فاش ایتدی حسین فخر جنان
کی گجه ترک ایده گون یثربی ای شیر زنان
اهلبیتون هاموسین باخبر ایله باجی جان
دهریده چونکی اولار یاخجی هواداریم اولار
لشکریم قانه باتار قیزلاریم انصاریم اولار
.
.
الغرض حاضر اولوبدور سفره آل الله
کیم گورور قافله اجلالینی سسلور به به
واردی بو قافله ده شمس ضحی انجم و مه
سسلونللر کی بیله قافله نون بنذری یوخ
بیلمیوللر کی گوزتلور اولاری زهریلی اوخ
.
.
بیلمیوللر کی بولر تیغ،شرف حنجره سین
یا ،نی ده دولانار توش اولونار خنجره سین
ایستورم نظمه چکم قافله نون منظره سین
دوشدی رویاده گوزوم اول سپه اسلامه
وصف ایدنمز بیله بیر منظره نی مین خامه
.
.
جمع ایدوب دورت بالاسین ام بنین بیر یاندا
امر ایدور گورسوز اگر سرور وزی بحراندا
غرق اولور گورسوز اگر زورق دین طوفاندا
زادۀ فاطمیه سعی ایلیون یاور اولون
خنجری دوشسه الیندن سیز اونا خنجر اولون
.
.
دوزدی کی سیزده حسین تک پسر حیدر سوز
زیب آغوش علی ، بند دل مادر سوز
من حسین کلفتیم سیزده اونا نوکر سوز
مال دنیایه گوره غیرتوزی ساتمیاسوز
ترک ایدوب قارداشوزی زینبی آغلاتمیاسوز
.
.
بیر طرفده ولی صغری ایلیور آه و فغان
دیور اللهه گوره آتما منی اکبر جان
بو مریضه بدنیمده داخی یوخ هجره توان
اذن ویر گرد بیابانه یولوندا بورونوم
سن آت اوسته یولا دوش منده دالونجا سورونوم
.
.
یوم گوزون عشق گوزیلن او همان لشکره باخ
سپه عشقیده سرلشکره باخ رهبره باخ
اصغری جان کیمی آغوشه آلان مادره باخ
دیور اصغر بو پریشان آنووی آتمیاسان
سینمی ترک ایدوب آیری سینه ده یاتمیاسان
.
.
دیمورم سینه اولا سینۀ شاه شهدا
اولا لایلای دییه نون فاطمه فخرالنجبا
گر بولار اولسادا یاد ایت منی ای نازلی بالا
آلسا مندن سنی تقدیر قضا نیلییرم
گون قباقینده علی عمری تمام ایلییرم
.
.
ولی بو قافلۀ عشقین اولان سالاری
نیمۀ شبده اولوب فاطمه نون زواری
تاکی زهرا ویره بو غمده اونا دلداری
گجه یاری نجه حیدر گلریدی نگران
طوف ایدردی خانیمون مرقدینی ناله کنان
.
.
سسلییردی گجه لر جان سنه قربان زهرا
بویور الآندا ویرور سینه یارون قان زهرا
هر گورن وقتیده مسماری دییم جان زهرا
فاطمه اوغلی علی تک ایلیوب دینین ادا
عرض ایدوب جانیم اولا گیزلین اولان قبره فدا
.
.
چاره سیز دردلره ای آدی عالمده دوا
یثربی ترک ایلیور قافلۀ کرب و بلا
الووی قالخیز آنا قیزلاریمی ایله دعا
چونکی یوخ ذره وفا چرخ جفا پرورده
قیزلاریمدا دوگولر سن تک آنا چوللرده
.
.
او ربابی کی آنا ایندی اونون حرمتی وار
اونا خدمت ایلین خادمی وار کلفتی وار
اصغریلن دولانار صبح و مسا الفتی وار
بیر اوخیلان گوزونون یاشی عذاره آخاجاق
اصغری قانه باتاندان سووا حسرت باخاجاق
.
.
واردی بیر غم آناجان اوخ کیمی قلبی یارالار
من ئولندن سورا اخیامه دولار فرقۀ نار
مال دنیایه گوره قیزلارا قمچی ویریلار
او رقیه کی اونون بیر توکی دنیایه دگر
اونادا سن کیمی واردور خبریم سیلی دگر
.
.
فرصتیم یوخدی آنا وعده گهه گیتمه لیم
بو قرانلوقدا قالان قبرووی ترک ایتمه لیم
قانه غرق اولمالییام مقصدیمه یتمه لیم
صاحب منصب عظما و جلال ایله منی
سنی حیدر بابامون جانی حلال ایله منی
.
.
سال یولا دور منی ای لالۀ زیبای فدک
گورنجه درده سالور اوغلووی بو چرخ فلک
دای بقیع من کیمی زواری آنا گورمیه جک
گیدورم قانلی بیابانه منیم گوگلومی آل
دور بو اللرده ئولن زائرووی تز یولا سال
.
.
قبریدن سس گلوب ای زینت آغوشیم اوغول
عازم میکده و دلبر می نوشیم اوغول
وصل جانانه گوره یار کفن پوشیم اوغول
قانلی گودالیده زوار اولارام پیکرووه
ویرارام بوسه عطشدن قوریان لبلرووه
.
.
اکبرون قانه باتاندا گلرم صحرایه
قوشارام منده بو یورقون سسیمی لیلایه
آغلارام حشره کیمین محنت عاشورایه
قولسوز عباس دوشن وقتیده آتدان یارالی
آچارام معجریمی سسلییرم جان یارالی
.
.
باغ رضوانیده بنذورسن حسینجان گوله سن
نه اولار قبریمون اول گجه سی سن گله سن
شعر ناقابل اولوب ایلمه مندن گله سن
بو #نویدی کی سیزون نظمه چکور محنتوزی
بونی تشویق ایله سوز یاخجی یازار مدحتوزی
.
#حسینیه_مدح
#خروج_مدینه
#بو_حسین_کیمدی_سالوب_رعشه_دل_کفاره
#آسال_اردبیلی
#ترکی
#زبدةالاشعار

متن پیشنهادی:  ای گلستان دینه طراوتلی گل آقا #حسینیه_مجید_امینی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی