زبدةالاشعار

بو خرابه گوشه سینده بو گیجه ضیافتیم وار #حضرت_رقیه_بحری

زبانحال حضرت رقیه سلام الله علیها
.
✍️ زبدة الاشعار ✍️
.
🆔: @nohe_torki
.
محمدرضا بحری
.
بو خرابه گوشه سینده
بو گیجه ضیافتیم وار
یارالی بابام گلوبدور
شرف زیارتیم وار
.
.
.
.
بو خرابه ده عیان دور
متجلیات خالق
گورونور بو تیره شب دن
لمعات صبح صادق
یتیشوبدی وصل یاره
بو گیجه صغیره عاشق
بابا فصل وصلتون دور
سنه چوخلی صحبتیم وار
.
.
.
.
ایدر عندلیب ناله
یتیشنده فصل هجران
غم هجر گلدن ایلر
چمن ایچره داد و افغان
من او بلبلم که گوردوم
گولومی چمنده خندان
مین او بلبله برابر
ئورگیمده حسرتیم وار
.
.
.
.
بو خرابه ده خدادن
طلب نیاز ایدردیم
طلب زیارتیله
گیجه لر نماز ایدردیم
گلیسن اگر بیلیدیم
سنی پیشواز ایدردیم
ایاقیم قابار دا اولسا
سنه چوخ محبتیم وار
.
.
.
.
بیله رسمدور که عاشق
هامی محنته دایانسون
تاپا فیض وصل،خوش دور
غم عشق اوتوندا یانسون
دم وصل یار یتسه
باشینا گرک دولانسون
ولی نه گوزومده نوریم
نه دیزیمده طاقتیم وار
.
.
.
.
بو باشون خرابه ملکین
ایدوب عرشیله برابر
اولا فرش بیله باشه
پر جبرئیل ، بهتر
نه روا دوشه ترابه
سر زاده ی پیمبر
اولا فرش راهی زلفیم
گوره سن لیاقتیم وار؟
.
.
.
.
لمعات نور ایزد
بو باشوندا دور هویدا
بو خرابه ملکی اولدی
اودی رشک طور سینا
بو مقامیمه خصوصا
آپاروبدی غبطه موسی
که بو یرده جلوه گاهِ
حق ذوالمشیتیم وار
.
.
.
.
سنی کیم سالوب بو حاله
گوروم اولسون اللری شل
گونوزی منیم گوزومده
ایلیوبدی لیل والیل
گوزومه گلوبدی پرده
گیجه یا اولوب مطول
داخی نوردن دوشوبدی
ایکی گوزده علتیم وار
.
.
.
.
ایلدون خرابه ملکین
قدمونله رشک جنت
قیزون اولدی صون نفس ده
سن اوچون رهین منت
نه گوزل زمان گلوبسن
بورا ای ملاذ امت
یتیشوبدی جان دوداقه
بابا حال رحلتیم وار
.
.
.
.
منه میهمان گلوبسن
نه گوزلدی اولسا خدمت
ولی یوخدور الده امکان
اودور اولموشام خجالت
قوری جان قالوب سنوندی
بودا منده دور امانت
که اگر وریلسه عودت
سنه جزئی خدمتیم وار
.
.
.
.
هامی غملره دایاندیم
او بویوردوقون سوزونله
سر نی ده آندیراردون
سوزی گردش گوزونله
بو گیجه منیله یا قال
منی یا آپار ئوزونله
بوحیاته اولماسان سن
باباجان نه حاجتیم وار
.
.
.
.
ندی بو جفالی دهره
بو قدر جفادن حاصل
نیه یوخدی بو جهاندا
یم درد و رنجه ساحل
منیله ایدوبدی مانوس
بو قدر آغیر سلاسل
نقدر من یتیمین
بو جفایه طاقتیم وار
.
.
.
.
یتیشینجا وقت وصلون
بابا هر غمه دایاندیم
اودی مین یول ئولدیم هر دم
دیریلیب غمونده یاندیم
سنون عشقیویله شامین
یولونی گلوب دولاندیم
سایا گلمز عرض ایتسم
نه ملال و محنتیم وار
.
.
.
.
منی شامیان گورنده
دیدیلر منه یتیمه
دیدیم ایتمیون گرفتار
منی ماتم عظیمه
باخون اول اوجا جداده
او شهنشه فخیمه
او منیم گوزل بابامدور
گوروسوز نه شوکتیم وار
.
.
.
.
بو خرابه یه گلینجان
منه چوخ یتوب مصیبت
ولی ایلمز بلادن
گله سالک طریقت
بخصوص دلبریله
قورا بولسه بزم الفت
سنیله خرابه یرده
منیم ایندی الفتیم وار
.
.
.
.
منی باده ی وصالون
او قدر ایدوبدی مدهوش
که اولوب سنی گورندن
هامی غملریم فراموش
ایاقیم قولوم یاراسی
منه شهد دن گلور نوش
سن اگر منیله اولسان
دیمرم جراحتیم وار
.
.
.
.
ئوزی ،شانی قطره دن کم
بو جهاندا “بحری” نامم
قاپوزون گداسی ام چون
کرمونله شه مقامم
حسنات دن الیم بوش
یوزی قاره بیر غلامم
یوخ ئورکده خوف دوزخ
که حسینه نسبتیم وار
.
.
#سبک_سو_یوخومدی_قزلاروندان … 5 سبک
.
#حضرت_رقیه_شهادت
#بو_خرابه_گوشه_سینده
#بحری
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دین اوسته هر کیم ئولسه تا روز محشر ئولمز #کاظمیه_انور_اردبیلی

نظر

  • سلام سرور گرامی ام … ممنون از حضورتان … خدا اموات شما و اموات شاعر بزرگوارمان جناب بحری را بیامرزد

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی