زبدةالاشعار

ویرانه نی ایتدون بیت الحزن عمّه #حضرت_رقیه_انور_اردبیلی

زبانحال حضرت رقیه (س)
.
✍️ #زبدةالاشعار ✍️
.
🆔: @nohe_torki
.
#سبک_نوایی_نوایی
.
مرحوم انور اردبیلی
.
ویرانه نی ایتدون بیت الحزن عمّه
مشکل منه اولسون قسمت وطن عمّه
.
قان آغلاما نیلک اگنیمده که کوینک
نیلوفرى جسمه أولسا کفن عمّه
.
.
قلبیمی ئولونجک داغلار بو حقارت
شهزادیه اولماز ویرانه عمارت
عمریم قوتارینجاق قورتارماز اسارت
قالمیش اجل هاردا ایتسون منی راحت
مقصودینه یتسون چرخ کهن عمّه
.
.
مشکلدی رقیّون مقصودینه چاتسون
غم فکرینی باشدان آخر نجه آتسون
آیا نه روادور زلفیم توزا باتسون
تپراقلارون اوسته راحت نجه یانسون
بیر طفل حزین و شیرین سخن عمّه
.
.
فخریله عزیزه قزلار سیاقندا
نازیله یاتاردوم اکبر قوجاقندا
سولدوم بی بی گول تک محنت بوداقندا
مجلسده یزیدون دوردوم قباقندا
آخدی یوزه اشکیم قولدا رسن عمّه
.
.
.
غم رشته سی عمّه قلبیمی سیخاندا
سیلاب مصیبت صبریمی ییخاندا
محنت اثریندن گوگلیم داریخاندا
ویرانه مکاندان بر یانه چیخاندا
ایلر منه طعنه یولدان کچن عمّه
.
.
من بلبل ماتم پوزقون چمنیم وار
نسرین و بنفشه نه یاسمنیم وار
نیلوفره بنذر اما بدنیم وار
سرمایۀ عزت بیر پیرهنیم وار
بسدور منه قالسا بو پیرهن عمّه
.
.
آخشاملار اولاندا خورشید باتاندا
اولدوز اویاناندا شهر اهلی یاتاندا
شوقیله نقابین آی یوزدن آتاندا
سیرینده کواکب مقصوده چاتاندا
باغلارمنه گوگده نقش محن عمّه
.
.
قورخی منی سالمیش از بسکه کمنده
یاتامدا آیلّام بیردن یل اسنده
ویرانه مکانه آی تابش ایدنده
اؤز کولگمی ناگه من یرده گورنده
تئز اولّام هراسان تیترر بدن عمّه
.
.
.
.
#حضرت_رقیه_انور_اردبیلی
#حضرت_رقیه_شهادت
#ویرانه_نی_ایتدون_بیت_الحزن_عمه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  عرصه سجده ده با لیاقت #حیدریه_عدلی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی