بو خراب اولموش خرابه باغریمی دونردی قانه #حضرت_رقیه_ام_لیلی

زبانحال حضرت رقیه سلام الله علیها
.
#زبدةالاشعار
.
: @nohe_torki
.
#سبک_ای_ویرن_ویرانه_یرده
.
مرحومه ام لیلی ( کنیز فاطمه )
.
بو خراب اولموش خرابه باغریمی دونردی قانه
دشمنین شماتتیندن گلمیشم بو گون امانه
.
.
.
گویلوم ایستیور بابامی بیرمنی آلسون قوجاقه
نوجوان علیّ اکبر یاندیریر منی فراقه
بوقدرجفا ایدللراوچ یاشیندا بیراوشاقه
یوللاری پای پیاده اولموشام شامه روانه
.
.
.
قالمیوب تاب وتوانیم هرزمان چکنده آهی
ایستی قوملاراوسته قالدی عمه جان مدینه ماهی
بیردعا ایله ای عمه جانیمی آلا الهی
بسکه روزگارالیندن گلموشم بوگون امانه
.
.
.
قوللاریمی باغلیوبدور اهل ظلم دسته بسته
سلسله آغیردی ازبس جانیمی ایدبدی خسته
یوخدی بیرحصیر و فرشیم قالموشام بو توپراق اوسته
عمه جان حسین عزیزین ایندی خوار ایدیب زمانه
.
.
.
حسرتیله گرچکم آه یاندیرار بو نُه رواقی
نا مراد اُولوبدی اکبرگورمیوبدی طوی اطاقی
تنگ اولور اورک ای عمه روشن ایله بیرچراقی
اولماسا چراق ای عمه دور گیدک بیرآشیانه
.
.
.
سالدیلارمنی نظردن قاسم و علی اکبر
کیم قازار منیم مزاریم باشیمه اولوبدی کوللر
باغلا گوزلریمی عمه چک یوزومه قاره معجر
چوخدی نیسگیلیم سن الله بیربه بیرگتیر بیانه
.
.
.
ایاغیم قابار اولوبدی بسکه گلموشم پیاده
دورکفن ایله تدارک قالمیا نعشیم آراده
«فاطمه کنیزی» آغلا سال بو مِحنتیمی یاده
حشریده عوض آلارسان ایله گوز یاشین روانه
.
.
.
.
#حضرت_رقیه_شهادت
#بو_خراب_اولموش_خرابه_باغریمی_دونردی_قانه
#حضرت_رقیه_ام_لیلی
#ترکی
.
#زبدةالاشعار
.
: @nohe_torki