در شهادت حضرت زهرا (س)
گریز به ضحرت رقیه (س) در قتلگاه
..
..
مرحوم ناصر اردبیلی
..
..
بو رسمدور که اولور بلبلیله رونق باغ
فغان او وقتکه دوتسون گُلون کنارین زاغ
..
امام اربعه نون قبرینی سراغ ایله سون
حدیث گلشن و زاغی سند ویرولّه سراغ
..
خبر آلاندا گورورسن که قلب حجّاجه
امام اربعه نون غملری چکوبدورداغ
..
دیله واردو او دورت قبر ایچون نه بیر صندوق
نه بارگاه و نه فرش و نه روضه و نه چراغ
..
گورن او قبر لری بی چراغ و بی رونق
خیال جاه جهاندان تاپار ئولونجه فراغ
..
على الخصوص سورشسون مزار زهرانی
ویرولّه غصّۀ جانسوزدن سنه ابلاغ
..
هنوز فاطمه قبری قالوبدی گیزیلنده
بوغم چکوبدو دل شیعیه بویوک بیر داغ
..
نیه ؟ اونی گجه دفن ایلدی شه دو جهان
نه باعث اولدی قالوب قبر فاطمه پنهان
..
وصیت ایتدی اوزی چون او خون جگر زهرا
گجه زمانی اونی دفن ایدوب شه دوسرا
..
دیدی قاپومی جفائیله یاندیران امت
عم اوغلی قویما ایده امر دفنیمه شرکت
..
یوزیمه سیلی ویران قویما دفنیمه گلسون
بنای ظلمی قوران قویما دفنیمه گلسون
..
شکست ایدوب قولومی قنفذ ستم پیشه
مباد تختۀ تابوتیمه الى یتیشه
..
جنازم اوسته گله اشقیا رضا دگلم
دورا نمازیمه اهل جفا رضا دگلم
..
اولار که ابر کیمی نور حقّی ایتدی نهان
گرک مزاریم اولاردان منیم قالا پنهان
..
منیم خفاده قالان قبریم ای شه ابرار
سنون او غصب اولونان حقّیوی ایدر اظهار
..
بالالاریملا اوزون دفن ایله جنازمی سن
بسیمدو حاضر اولا دفنیمه حسین و حسن
..
حضور حضرت ختم رسالته گیدورم
بابام رسول خدایه شکایته گیدورم
..
بابام رسول خدانون یوزینی چون گورّم
یوزیمده سیلی یرینی اونا نشان ویرّم
..
..
#گریز
..
..
دیار کربُ بلاده غروب عاشورا
رقیّه ده بو سوزی ایلدی بیان گویا
..
دیدی گیدوب ایلیوم دردیمی بیان باباما
یوزیمده سیلی یرینی ویروم نشان باباما
..
همین خیالیله گودال مقتله گلدی
تاپوب باباسنی تا مقصدی اله گلدی
..
آتا جنازه سینون اوستونه سالوب اوزینی
قویوب او تازه کسیلمیش بوغازینه یوزینی
ازل فغانیله اول بلبل ریاض جنان
ایدوبدو قانیله گل تگ سولان یوزین الوان
..
آچوبدو ساچلارین اوندان صورا فغانیله
بویادى لاله کیمی زلفنی او قانیله
..
آتا یارالارینی بنزدوب شگفته گله
او خورداجا بالا بلبل کیمی گلوبدو دله
..
بابا گوزوندن ایراق ساچلاریم توزا بَلَنوب
بلالی باشیمه خاک ملال وغم اَلَنوب
..
تیکانلار اوسته ز بس قاچمشام من نالان
ایاقلاریم بویانوب قانه گل کیمی باباجان
..
آنام بتول کیمی روییمه دگوب سیلی
بو سولموش عارضه می سیلی ایلیوب نیلی
..
بو نازدانوی خوار ایلیوب زمانه بابا
منه نوازش ایدر ایندی تازیانه بابا
..
قویوب دامارلارینا کیم بوغازون خنجر
منِ فکاری کیم ایتدی یتیم وقت صغر
..
بوغازیوه قویولان وقته کاش تیغ جفا
منیم بوغازیم اولیدی او خنجر آلتدا بابا
..
بو شرح و محنته «ناصر» ادامه ویرمه دایان
نقدر شرح اولونا تاپمیور بو غم پایان
..
ایدوب اثر قلمه بو مصائب دشوار
اولوبدو دیدۀ خامه بو شرحدن خونبار
..
..
..
#فاطمیه #ناصر_اردبیلی #ترکی #فاطمیه_شهادت #زبدةالاشعار
نظر دهید