بو عالمین غم و اندوهی عالم عالم اولیدی #کوچ_کربلا #واقف_سرابی

نه بو محرّم اولیدی ….
زبانحال حضرت زینب (س) با امام حسین (ع) در کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم واقف سرابی یا مرحوم صافی تبریزی
.
بو عالمین غم و اندوهی عالم عالم اولیدی
نه بو محرّم اولیدی نه زینبه غم اولیدی
.
حسین الینده علی اصغر اولمییدی سوسوزدان
تمام شیعه لرین مسکنی جهنّم اولیدی
.
نه حور اولیدی نه جنّت نه جام اولیدی نه کوثر
نه کربلاده حسینین جلالی برهم اولیدی
.
نه مشکی پاره لنیدی نه ال دوشیدی نه بیدق
نه زینبین بو مصیبتده قامتی خم اولیدی
.
نه شمر اولیدی نه خولی نه تیغ اولیدی نه خنجر
نه کسماقا الینی ساربان مصمّم اولیدی
.
شکنج زلف علی اکبریله بندیدی لیلا
قاچان دگلدی نه لازم طناب محکم اولیدی
.
گوروب او پیکری اوچ حصّه آغلیوب دیدی زینب
حسین بدنده باشین اللرین سلامت اولیدی
.
مترجم اولمادی سیننده قالدی حکم الهی
گرک بو علمیوه آت دیرناقی مترجم اولیدی
.
منی زمانه بو احواله سالمیوب آنام اوغلی
گرک سکینه اسیر فرنگ و دیلم اولیدی
.
ئولیدی کاش باجین گورمییدی بیرجه بو حالون
حسین بدنده باشون اللرین مسلم اولیدی
.
آنام تنوریده قویماز کسیک باشین قالا یالقوز
گیدنده دیره پذیرالیقندا مریم اولیدی
.
.
#کوچ_کربلا #واقف_سرابی
#ورود_محرم
#بو_عالمین_غم_و_اندوهی_عالم_عالم_اولیدی
#ترکی
.
✍️ #زبدةالاشعار ✍️
.
🆔: @nohe_torki