ورود کربلا
.
✍️زبدة الاشعار✍️
?: @nohe_torki
.
مرحوم هندی تبریزی
.
بو غم فزا بیابان
دشتِ بلادی باجی
عشق اهلینه بو وادی
کویِ وفادی باجی
.
بوردا رموزِ عشقی من سالّام آشکاره
ویرّم اجازه یکسر عُشّاقِ جان نثاره
گیتسونله جمله بی سر خلوت سرایِ یاره
دورماز او کس که اهلِ خلوت سرادی باجی
.
سرمشق درس عشقی گلسون خلیل رحمان
گورسون بو جلوه گَهده الده گتورسون عنوان
گَتدیم منای عشقه من یتمیش ایکی قربان
قربانگه وفاده نه خود نمادی باجی
.
عشقیله من بو یرده قورّام بساط الفت
چوخ ایسترم که گلسون معشوق دن مصیبت
تیر بلا یتیشسون قویسون بو جانه منّت
پیک پیام جانان تیرِ بلادی باجی
.
بیله واریمدی عهدیم جانانیلن بو یرده
مقتول اولوب بویانّام آلقانیلن بو یرده
هم خواب اولوم نهان و پیکانلن بو یرده
عشق اهلینه بو حالت الحق سزادی باجی
.
عهدیم بودور که لیلا گلسون گرک نوایه
سالسون کفن علیِّ اکبر قدِ رسایه
قربانگهِ وفاده یوخ حاجتیم فدایه
جانان یولوندا اکبر یاخشی فدادی باجی
.
دورسون گرک بو یرده اکبر الینده باشی
مجنون صفت دایانسون لیلا گوزینده یاشی
قالماق آنا امیدی گورماخ اوغول تلاشی
هر باشدا چون بیر اؤزگه شوق و هوادی باجی
.
قورّام عروسه باجی بو یرده طوی بناسی
اولسون گرک کفندن داماده طوی لباسی
میداندای حجله گاهی قاندور اونون حناسی
گور بیر نه نوع قاسم نو کدخدادی باجی
.
گل تک گرک بو یرده رنگ سکینه سولسون
سقّای کربلانون قانیله مشکی دولسون
دوشسون یر اوزره نه باش نه قول بدنده اولسون
هم باش کسیلسون هم قول بیحد جفادی باجی
.
دشمن گرک یوزیوه ذلّت گوزیله باخسون
کسسون منیم باشیمی قان سو یرینه آخسون
قانیمی اهل بیتیم آق ساچلارینا یاخسون
جانان اوزی بو قانه چون خون بهادی باجی
.
آخر باجی گوررسن اودلاندی خیمه گاهون
قلبون یانوب دایاندی افلاکه دود آهون
قارداش اوغول اُلوبدور یوخ بیر نفر پناهون
اهل حرم اسیر شمر دغادی باجی
.
#سبک_احوالیمیز_یاماندی (بیش از 10 سبک)
.
#ورود_کربلا
#بو_غم_فزا_بیابان_دشت_بلادی_باجی
#هندی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید