«آتش زدن خیمه گاه وغارت حرم آل الله»
.
.
مصیبی تبریزی
.
.
تا آلیشدی آتش غارت حرم ده گوللره
آشیانی اودلانان قوشلار داغیلدی چوللره
.
.
آتش صرصر اسوردی خیمه ده خرگاهیده
جان وئروردی بعضی قیزلار اودلانان درگاهیده
خوف و وحشت حاکمیدی ظلّ آل اللهیده
گول ستاندا اود یاغوردی تشنه لب بلبللره
.
.
بیرخانوم عورت ئوزون وُردی اوتا ؛ راوی دیور
اود دوتان مخیمده گوردوم وای بالام وای سسلیور
منتظر قالدیم گورم زینب بو اوتدا نیلیور
گئتدی فکریم بیر بهالی گوهره انگشتره
.
.
ناگهان بیر صحنه نین چوللرده اولدوم شاهدی
باشدا کی جان فکرینی گوردوم آتوب دین زاهدی
چکدی آغوشه یانان اوتدان چیخالدوب ساجدی
طعنه ووردی نائب کوثر شرار آذره
.
.
زینب کبری گوروردی سروقامت لر یانور
شاه عطشاندان قالان عطشان امانت لر یانور
یوزدوتوب سجّاده سویلوب؛ماه طلعت لر یانور
چوللرین سمتین نشان وئردی آقا؛سویگوللره
.
.
باتمادی امر امامیله حرم اولدوزلاری
خیمه لردن بیربه بیرچیخدی حسینون قیزلاری
باش دوتوبلارقان دولان چولده حرم باشسیزلاری
جانین اوتدان قورتاران چوللرده دوشدی اللره
.
.
قوی دیوم علت نییدی خیمیه اود وورماقین
یا بلالی چوللره جوقای آتش قورماقین
یا حریم حرمت آلُ اللَهی سیندیرماقین
ثبت اولوب تاریخه اما دوشمیوبدور دیللره
.
.
کربلاده غارتین طبلین اودم کی چالدیلار
شمردن کوفی جماعت اذن غارت آلدیلار
بیربه بیرنعره چکوب صحرایه غوغاسالدیلار
اولدیلار آمادۀ هجمه بنات حیدره
.
.
فضّه نی احضار ائدوبدور زینب علیا جناب
سویله دی پیغام آپارشمره دئ ای خانه خراب
قیزلارین تقصیری یوخدور سالما بیله التهاب
مال دنیا ایسته سن اود وورما بو محفیللره
.
.
شمره دئ؛بیلسون بیری ال آچسا آل حیدره
یا اگر ائتسه طمع قیزلار باشیندا معجره
اوندا زینب باش آچارآچسا باشین باخ محشره
چوللره طوفان سالار زهرای ثانی یکسره
.
.
تا پیام زینبی فضّه یتوردی شمره تام
لشگر کوفه دایاندی امر شمریله تمام
آل اطهارین ییغوبدور زینتین فخرالانام
زیورآلاتین تمامین آتدی پای لشکره
.
.
شمرراضی اولموشیدی غارته ال وورماسون
آیریلوب اما او لشگردن او دم بیر فرد دون
ابن سعدین خیمه سینه گلدی گوزلرکاسه خون
سویلدی ؛ گلدیم دیَم بیر سوز حضور انوره
.
.
اوندا کی راه حسینه حرّ اولوب سدّ مفر
بیرسئوال ائتدی ندن سن مکه دن ائتدون سفر
اوندا بیر کیسه باشین آچدی امام خونجگر
یرمی مین نامه،دیوب؛سالدی حسینی چوللره
.
.
ایندی سعداوغلی!هاچان کی نامه لرمخیم ده دی
هم ئوزون همّی امیرین حالی حال غم ده دی
سرّ فتح کربلا بیر حکم مستحکم ده دی
سویله دونسون خیمه لرده نامه لر خاکستره
.
.
سعدین اوغلی مرکبه میندی شتابان ناگران
لشگره هیها وُروبدور وئرمیون بیرآن امان
«فی الخیامِ ضَرّمُوها نار»* ائدوب ورد زبان
اود وُرون یانسون حرملرشعله چکسین گویلره
.
.
سعدین اوغلی امر ائدنده،سانما لشکر دوردولار
بی شرف کوفی جماعت گود وحشت قوردولار
بیر به بیر اخیام آل حیدره اود ووردولار
خیمه لر تا اودلانوب،صحرا دونوبدور محشره
.
.
ای «مُصَیـّب» لوح احساسی ائدورغارت ، قلم
بوندان آرتوق یازما،یازسان جوش ائدر دریای غم
سینۀ عالم یانار گوزلر دولار آغلار علم
قدسیان لاهوتیان باشه ووراللار یکسره
.
.
*عمرسعد نعره می زد؛« وَیلَکُم و اَکُبّوا علیهم فی الخِیام وَ ضَرّمُوها ناراً وَ اُحرّقوها مَن فیها »
.
.
#غارت_خیام #مصیبی_تبریزی #ترکی
نظر دهید